Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Музыка / Селин Дионның өмір жолы

Селин Дионның өмір жолы

Селин Дионның өмір жолы

Селин Дион... Музыка өндірісіндегі ол алмаған сыйлық қалмаған шығар... Сыйлықты былай қоя тұрып сөйлесек, халықтың, әлем халқының қошаметін айтсаңшы?!

1968 жылдың 30 наурызында Канадада дүние есігін ашқан болашақ жарық жұлдыз отбасындағы кенже қыз болып туылса керек. Ата-анасы музыкант болғандықтан, Селин киелі сахнаға ерте жастан-ақ аяқ басты. 

12 жасында Селин өзінің тұңғыш әнін анасының көмегімен жазып шығып, әнді танымал француз әншісі Женет Реноның альбомынан табылған мекенжайға жолдайды. Ол ән менеджер Анжелилдің қолына түседі. Анжелилден жауап болмаған соң, Селиннің ағасы телефон арқылы хабарласып: "Сіздің кассетаны тыңдамағаныңызға сенімдімін, егер тыңдаған болсаңыз, дереу бізге хабарласушы едіңіз!" дейді. Әнді тыңдаған күні-ақ Анжелил Селинді өзінің кеңсесіне шақырады. Селиннің әнін өз аузынан тыңдағанда, менеджер өзін ұстай алмай, толқып, жылап жіберген деседі.

1994 жыл, Анжелил мен Селиннің үйлену тойы

Анжелил Селиннің тұңғыш табынушысы еді. Осыдан кейін Селин күллі әлемді әнімен, өнерімен жаулау жолына түсті. Осынша ерекше дарынға куә болған Анжелил көп ойланбастан Селиннің альбомын шығару үшін үйін сатып жібереді. 

Анжелилдің бұл сенімі далаға кеткен жоқ. 

Бұл альбом Канадаға кеңінен таралып, жас Селин 1982 жылы Жапониядағы сазгерлер байқауының жүлдегері атанды. 

Селин 18 жасында Майкл Джексонды теледидардан көріп, менеджеріне: "Менің де осындай атақты болғым келеді!" деп айтқан деседі. Осыдан кейін менеджері Селиннің сыртқы келбетін ретке келтіріп, шашын кестіріп, ағылшын мектебіне жаздырады. 

Селин Дион сахнада

1988 жылы әнші Felix Awards жүлдесін қанжығасына байлайды. Осы жылы Дублинде өткен Евровидения байқауында 600 миллион көрерменнің алдында ән шырқап, бас жүлдені жеңіп алады. Осы жылы Селин мен менеджерінің арасындағы қарым-қатынас іскерлік қарым-қатынас шеңберінен шығып, бірнеше жылдан соң, екеуі некеге тұрады. Аралары 26 жас болса да, бұл екеуі жалпақ әлемге шынайы махаббаттың бар екенін дәлелдеді.

1990 жылы ол өзінің тұңғыш ағылшын тіліндегі альбомын жазып шығады. Альбомдағы  "Where Does My Heart Beat Now" әні АҚШ-тың ең үздік ТОП-5 әнінің қатарына кіреді. 

Анжелил мен Селин ұлдарымен

Нағыз атақ Дионға Пибо Брисонмен бірге шырқаған "Beauty and the Beast" (мультфильм саундтрегі) әнінен кейін келеді. Бұл ән арқыны Селин Дион Грэмми мен Оскар жүлделерін қатарынан жеңіп алды. 

1996 жылы әншінің "Falling into You" атты альбомы жарық көріп, америкалық сатылымда көш бастайды. Альбомда әлсіз деген ән болмады. Күллі дерлік әні хитқа айналды. Ол ол ма, Селин Дионды күллі әлем көз тіккен Атлантадағы олимпиадалық ойындарға ән айту үшін шақырды. 

1997 жылы Джеймс Камеронның "Титаник" фильміндегі "My Heart Will Go оn" атты әні әншінің шығармашылық жолына үлкен белес алып келді. "My Heart Will Go оn" композициясын әнші 1998 жылғы Грэмми салтанатты кешінде қатарынан екі рет айтып, ән "Жыл әні" атағына ие болды. Оскар табыстау кешінде де Селин Дион киноға арналған ең мықты музыкалық тақырыбы үшін екінші рет Оскар алды. 


Бүгінде канадалық күміс көмей әншінің өнеріне құрмет көрсетпейтін адам кемде-кем. 45 жасар Селин Дион атағы жер жарған әнші, актриса, бақытты жар, аяулы ана...

Дайындаған: Мейіргүл Оңғарова

Сурет: ivillage.com 

Қосылған күні: 01 маусым 2013, 15:57

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.