Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / Сенен асқан сұлу жанды көрмедім...

Сенен асқан сұлу жанды көрмедім...

Сенен асқан сұлу жанды көрмедім...

Алаш Тұрсынәлі – 1986 жылы ҚХР Іле аймағында өмірге келген. Қазір әл-Фараби атындағы ҚазҰУ-дің журналистика факультетінде студент. Өлеңдері республикалық басылымдарда жарық көрген. Ақын өлеңдері жастық шақтың мінезін, сағынышын, болмысын тіптен айшықтай түседі. Күңгірттік пен беймаза қасірет шырмауына бұғауланбаған өлеңдерден қазақ өмірінің бояуын айқын аңғаруға болады.

***

 

Демеймін қадіріңе кештеу жеттім,

Көңілімде тұрса да көкке өрлеп мұң,

Арман қуып алысқа кетсем-дағы ,

Сені ұмытып қарғам-ау кеткен жоқпын.

 

Жетелейді десе де үміт-арман,

Есебі бар күндерді кім ұта алған,

Қажытса да қайғының сан салмағы,

Мүмкін емес мен сені ұмыта алман.

 

Өмір деген бұл асау өрлі ағыс қой,

Ұяң едің, жан едің сен намысқой,

Кеткен-келген жандардан сұрай алмай,

Сен де мені жүрсің-ау ойлап іштей.

 

Келіп талай өзіңді шаттандырғың,

Құрбым деп қанша жерде мақтан қылдың,

Батыс жаққа телміріп тұрдың қанша,

Шуағына малынып батқан күннің.

 

Қандай күндер кім білсін тосады алдан,

Жүректегі сағыныш болса қарғам,

Табысамыз біз әлі қауышамыз,

Басымызды сенемін қосады Аллам.

 

Гүлханым

 

Ескірмеген ескі әнді шырқадым,

Ескі арнаға бұлақ болып құйылдым,

Өзің жәйлі түс көрсем деп Гүлханым,

Бүгін тағы иманымды үйірдім.

 

Ақыл екен жетпейтұғын адамға,

Жұлдызым боп жана берші сен менің,

Бар білерім мынау ғажап ғаламда,

Сенен асқан сұлу жанды көрмедім.

 

Көрмейінші, көрсетпесін жаратқан,

Алып ұшқан аспандағы құстаймын,

Сені ойласам айрыла жаздап тағаттан,

Сосын барып сабырымды ұстаймын.

 

Бұл көше

 

Айтқызбай-ақ көзінен сыр ұғатын,

Көршілер бір-біріне қыдыратын,

Үлкен-кіші кәрі-жас небір жақсы

Бұл көшемен тынымсыз шұбыратын.

 

Кетік там болса-дағы лай-батпақ,

Арманымыз биік еді айға асқақ,

Әкеміздің әңгімесін тыңдап бір,

Күрек шәйді ішуші едік қаймақтап.

 

Балалық күн бал дәурен қалды осында,

Жапалақтар қонатын жар басына,

Анда-санда тәңірін есіне алып,

Жиі-жиі келушы еді тәубасына.

 

Қолды-аяққа тұрмаушы ек есіргенде,

Жанымыздан табылар кесір кейде,

Есімізден бір ауып қалатынбыз,

Атты қазақ бар шаңды көшіргенде.

 

Дүр еді ғой шетінен ағаларым,

Бір шаттық беретұғын маған әр күн,

Айдың жарық кешінде бұл көшеде,

Гүзәл қыз сыйлап еді орамалын.

 

Бала едік білмейтін сүрінуді,

Кінәлауға болмайды ұры күнді,

Сан асылды жоғалтқан бұл көшеде,

Үнсіз тартып тұрмын мен шылымымды.

 

***

 

Махабаттың сұрапыл жасыны үдеп,

Көздеріңнен бөлекше жасырып от,

Түкпірінен жүректің орын алып,

Сен қаласың мәңгілік асылым боп.

 

Сағыныштан жүректер сыздап жүріп,

Кеткеміз біз кейінге із қалдырып,

Із қалдырып жаным-ау болашақта,

Шын бақытты боламыз біз мәңгілік.

 

Сүйдім бе әлде сағынып өртендім бе,

Оған күмән болмасын еркем мүлде,

Бүгінгінің бақытын сезіу үшін,

Сәлем жолдап отырмын ертең күнге.

 

Солай қарғам, жетеміз жетпегенге,

Болмайды ғой өткенге өкпелеуге,

Бар екенін өмірде дәлелдейміз,

Ғашықтықты ұмытып кеткен елге.

 

Бұл ғұмырдың бітеді сұлу жыры,

Ойнап айтты демегін күнім мұны,

Біз мәңгіге жасаймыз өлгенменен,

Рухымыз да іздейді бірін-бірі.

 

Болашақ

 

Дүниенің ардақтап асыл күнін,

Өмірді көрдім сүйіп те,

Боларда-болмас батылдығым,

Бастайды қандай биікке.

 

Пенделер жүрген жолменен,

Жүрмеймін деп жар салдым,

Ажалым тұрса көлденең,

Келе ғой деп қарсы алдым.

 

Салмағын салып буынға,

Бөрідей иттен жеңілген,

Әзірейіл айтты шынында,

«Өшесің бір күн өмірден»

 

Тұрса да аман өз елім,

Тірліктен әйтеу кетемін,

Жүрсем де тірі сеземін,

Әлемнің бұлдыр екенін.

 

Дайындаған: Мейіржан Әуелханұлы

Сурет: oyu.kz және автордың жеке мұрағатынан

3449 5
Рейтинг: +6

Дайындаған: Meyirzhan Auelkhan
Қосылған күні: 16 қаңтар 2013, 10:54
Пікірлер
+0
16 қаңтар 2013, 10:43

Дүниенің ардақтап асыл күнін,

Өмірді көрдім сүйіп те,

Боларда-болмас батылдығым,

Бастайды қандай биікке.

+0
16 қаңтар 2013, 10:52

Алаштан тың дүние күтіп-ақ жүр едік. Өлең сөзден шаршама, шалдықпа бауырым!

+0
16 қаңтар 2013, 11:01

Иә, өткенге өкпелеуге болмайды екен...

+0
17 қаңтар 2013, 04:26

осы жігіт кімге қарап өседі екен?! кездессең сұрағың келеді. сұрауда әбестік. бір тамаша мінезі поэзияға деген ақ адалдығы.қашанда тілерім жазар көбейсін дегім келеді!

+0
15 ақпан 2013, 21:29

КЕРЕМЕТ ! МЕНІҢ ТОПТАСЫМ ҚАНДАЙ ЖАҚСЫ ЖАЗАДЫ Ә!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Эссе жаза аласың ба?
Эссе жаза аласың ба?

ҰБТ-ның жаңа форматына сай эссе жазуды бірге үйренейік!

Автор: Аида Жеңіс
Шетелдік сериалдардың әсері.
Шетелдік сериалдардың әсері.

Шетелдік сериалдардың әсері.

Келін алдында бас ию ме, әлде келін алдындағы міндеттер ме?
Келін алдында бас ию ме, әлде келін алдындағы міндеттер ме?

Әрбір адамның өз міндеттері мен жауапкершілігі бар ғой, сол сияқты менің де ене...

Сұмдық апат «Шапекоэнсе»-де тірі қалғандар.
Сұмдық апат «Шапекоэнсе»-де тірі қалғандар.

Қазалы адамдар саны - 71. Апат туралы.

Автор: Olzhas Samatov
Құрбы керек...
Құрбы керек...

жақында өшіріледі.

Автор: <ҚАЗАҚ> ...

Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...