Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Поэзия / Бөркіңді жел тербесе, қызғанамын...

Бөркіңді жел тербесе, қызғанамын...

Бөркіңді жел тербесе, қызғанамын...

Массагеттің жырға жаны құмар оқырмандары, бүгін біз сіздерге тағы бір жас ақын Ақан Марғұланның өлеңдерін ұсынбақпыз. Жырымен жүректі тербейтін автордың өлең шумақтарын қабыл алыңыздар!

Соңғы кеш

Сүркей күздің сүйкімсіздеу бір түні,
Жұтып жатыр қуанышты, күлкіні.
Көктен түсті табиғаттың қызғаншақ,
Періштесі серік еткен түлкіні.

Ай аспанда жарығымен таласып,
Жатқан кезде біз де тұрдық жарасып.
Көкте жұлдыз жымың қағып өзінше,
Тіршілікке тіл қатуда санасып.

Мен суреттеп аңсап жүрген күз дала,
Алыста айқай, ал жақында біз ғана.
Түн және мен – егіздерміз селбескен,
Үшінші адам – мен сүйетін қыз бала.

Торып мені пері қызы айуанмен,
Жүрген сәтін біліп көрдім қайдан мен.
Қол ұстасып арман құшып тұрғанда,
Ұшқын ұшты бізге қарай айдан кең.

Бұл ғажапқа сезім толы ән арқау,
Екеуміз де тұрмыз солай самарқау.
Қайдан келген алапат күш білмеймін,
Ай жүзінде атылды кеп жанартау.

Қап-қараңғы, аспан бетін жапқандай,
Ақыр заман төніп келе жатқандай.
Түнек жарып маған ытқып келеді,
Пері қызы пері түлкі, от маңдай.

Шоқты тырнақ кеудемді кеп тырналап,
О, құдірет, жатыр түлкі тырмалап.
Тілім-тілім, көкірегім көнсе де,
Жүрек байқұс талпынуды тұр қалап.

Тырысып та, талпынып та жініткім,
(Шарасызбын)
Кетіп қалды көкіректі тіліп түн.
Махаббаттың шоғы сөнген соңғы кеш,
Осы екенін ес жиғанда біліппін.

Қалықтап тұр тәнім бұлттың үстінде,
Пері қызы ұйықтап жатыр үстімде.
Қиял емес, табиғаттың қызғаншақ,
Әлеміне алданып кеп түстім де.

Ойлап едім түсім бе деп басында,
Тап болғаным ғажайыпқа тосында.
Ғажап емес, азап екен көргенім,
Өйткені -
Сүйген қызым кетіп қапты расында...

 

ҚИЯЛДАҒЫ АРУ

От көрік көкіректе күй тынбастан,
Бет беріп нұрын төкті сиқырлы аспан.
Естелік жазылады өлең болып,
Өткеріп талай түнде ұйқымды ашқан.

Бағына барам деп ем сағым қырдың,
Сарыла күттім сені, сағындырдың.
Жабыға жатам ылғи тілсіз түнде,
Жаныма жарық қылып шамын жырдың.

Сен десе, ынтық көңілі тоқтамайды,
Емдесе, бабын тапқан бақ талайды.
Келмесе амал қанша дәл өзіңдей,
Бермесе сыйға маған көктегі айды...

Бордай қып тоздыруда мұз денені,
Жылды ай қып сендік сағым жүз келеді.
Құлпырған көк белдегі қызғалдағым,
Жыр тұнған шумақтардан ізде мені.

Өткеннің айтар емен тіпті шетін,
Өкпемнің жөні бар ма бүк түсетін.
Көзімнің жайлауынан маужыраған,
Сезімнің аспанынан шық түсетін.

Өңде емес, түсімдесің жыр жазамын,
Кемеде емес қылықтысы қыз баланың.
Көркіңді жат көздерден сүзіп өткен,
Бөркіңді жел тербесе қызғанамын...

Сертіме тұрушы едім сен дегенде,
Дертіме сол сабырым ем берер ме.
Сағымды гүл - бейнеңе елестетем,
Жаныңды жабырқау мұң тербегенде.

Өзімді жұбатуым текке менің,
Төзімді, күтуді де жек көремін.
Жылатып кеткен мынау дер сезімге,
Уақыт емші болар деп келемін...

Суреттер: secretgardenisalwaysthere.punt.nl, vk.com

3356 6
Рейтинг: +5

Дайындаған: Ақерке Әбілхан
Қосылған күні: 23 шілде 2012, 14:36
Пікірлер
+0
23 шілде 2012, 15:28

жақсы өлеңдер :)

+0
23 шілде 2012, 15:31

"Түн және мен – егіздерміз селбескен,
Үшінші адам – мен сүйетін қыз бала"

+0
23 шілде 2012, 15:37

Құлпырған көк белдегі қызғалдағым, Жыр тұнған шумақтардан ізде мені. :!:

+0
23 шілде 2012, 16:26

малодец, еркектің гүлі ғой!

+0
24 шілде 2012, 13:36

Біздің Марғұлан - МАРҒҰЛАН ғой!

+0
03 қазан 2012, 18:02

қолдаған жамағатқа мың алғыс!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...