Оқи отырыңыз

...театр деген нәрсе ермек емес, көңіл көтеру де емес, ол – үлгі, ол – тәрбие, өнер орны.

Автор: Ж.Аймауытов

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Лайфстайл / Әдебиет / Көкжиек / Алақан (Махаббат хикаясы)

Алақан (Махаббат хикаясы)

Алақан (Махаббат хикаясы)

Ол бүлдіршін қыз еді. Бес жасар кезі болар. Балалар бақшасынан қайтып келе жатқан жолында бір топ тентек жүгіріп келді де, арқалаған сумкасы мен әдемі шаш қысқышын тартып алды. Айналасынан қорғаныш таппаған балапандай шошынған. Сол сәтте бір ұл бала жүгіріп келді де, әлгі тентектермен төбелесе кетті. Шұрқырасқан топ жеңістеріне мәз болып, өз жөндеріне кетісімен әлгі ұл бала мұны жұбатты. Жәбір көрсе де, жыламапты. Қолынан жетелеп үйіне дейін жеткізген. Қорқыныш пен көзінен аққан жасқа ие бола алмай жүріп, оның атын да сұрамапты. Тіпті сұрай қояйын деп ойлаған да жоқ еді. Тек, жалғыз-ақ алақанының жылылығы сол бойда қалыпты.

Алты жасқа шыққан жылы мектепке оқуға түсті. Дәулетті отбасының кенжесі болғанына қарамастан, ұялшақ еді. Алғаш мектеп табалдырығын аттаған сәтте, өзінің үстіндегі шыт жаңа сәнді көйлегінің басқалардың жұпыны, қарапайым киіміне ұқсамайтынын көріп, айдалада оқшау, жалғыз қалғандай, үнсіз тұқыра беріп еді. Мұны сезген сынып бастығы, қолынан жетелеп, ең алдыңғы қатарға әкеліп отырғызған. Тап сол сәтте ғана оның көзіне терең әсер қалдырған бір жұп қос қарашық шалына кетті. Өзіне бұрыннан таныс сезілген, сол бір алақанның жылылығы сонда ғана есіне түсті.

Он екі жасқа шыққан жылы ол бастауыш мектепті бітіріп, үлкен қалаға оқуға келді. Үнемі қолынан жетелеп, үйіне алып келетін жып-жылы алақаннан біржола алыстап қалғанын сезінді. Бала достықтың айғағындай, сәби жүректің қорғанышындай алақанды шынайы бала көңілмен сағынатын.

Әр жолы ауылға келгенде, баяғы жұпыны, төбесінен су өтіп, айғыздалған, қабырғасы құлайын деп әзер тұрған ана-мектебіне оны іздеп келетін. Дегенмен, бір-бірінің қолынан ұстауға именетін. Екеу арасындағы алғашқы ұяңдық, есейіп қалған балалық бұған жол бермейтін.

Он бес жасқа шыққан жылы демалыс сәтін пайдаланып, ауылға келген. Баяғы мектеп сол қалпы. Асыр салып ойнап жүрген оқушыларды көргенде, өзінің әлдеқашан бой жетіп, есейіп қалғанын сезінді. Оның мойылдай мөлдір қос жанары бұрынғыдай-ақ әлдекімді іздей жөнелді. Кенет, жағалай отырғызылған терек саясында оның бір әдемі қызбен сөйлесіп тұрғанын көргенде, жүрегін әлдебір сезімнің иенесі шаншып өтті. Өз кеудесіне сыймастай боп тулағн жүрек артына бұрылуға да үлгертпеді. Сол бойда үн-түнсіз қалаға аттанып кеткен. Өмірінде тұңғыш рет көңілін шарпыған сол бір жара көпке дейін сыздап жүрді.

Он жеті жасқа шыққан жылы ол өз ауылында, бұрынғы мектебінде өтетін оқушылардың баскетбол жарысына көрермен боп барды. Сол бір жып-жылы алақанның иесін тағы бір мәрте көргісі келген еді. Жарыс басталмай жатып, ұзын бойлы, қараторы бозбаланың қоңыр қой көзімен түйісе қалды. Ол ештеңеге қаратпастан, көрермендер арасында тұрған қызды қолынан жетелеп, ең алдыңғы қатарға әкеп отырғызды. Саусақтары салаланып, үлкейіп кетсе де сол баяғы сүйкімді, жылы қалпынан айнымапты. Бірақ, оның алақанында бала достықтың, сәби жанашырлықтың орнын өзгеше сүйіспеншілік сезімі иеленген секілді...

Екеу арасындағы әрі жат, әрі сондай жақын, әрі ұяң, әрі ынтық, іңкәр сезім қос жүректе бірдей оянды. Кешкісін сонау бала күндеріндегі мектептен қайтар жолымен оны үйіне дейін жетелеп әкелді. Айрылмауға үнсіз ғана серт еткендей қос алақан бір-бірінен айрылар емес. Қыздың үйінің қақпасына келгенде, жүректегі айтылар сөз бен тасыған сезім ақтарылмай қалды. Жігіт тек өзінің тым кедей отбасынан шыққанын, ауылдан ұзап ешқайда кете алмайтынын ғана айтты. Тағы да үнсіздік... Қыз үйіне қоштасып кірер сәтте, аяғының өкшесін жеңіл ғана көтеріп, жігіттің бетінен сүйіп алды. Сөйтті де, ықшам қимылдап, үйіне кіріп кетті...

Ертесі таңертең жігіт оған бір шоқ жабайы шұғынық гүлін ұсынды. Бойжеткен өмірдегі ең ұлы бақытын тауып алғандай сезімге бөленген еді.

Он сегіз жасқа толған жылы ол мектеп бітірді. Әрі шетелдік ең ірі университеттердің біріне оқуға түсті. Бір аязды күні таңертең қаланың пойыз бекетінде темір жолға телміріп, сұлу бойжеткен тұрды. Оған ауылдан бұрынғы жып-жылы алақанның ғана емес, қазіргі өз жүрегінің де мәңгілік иесі келе жатыр еді. Жігіт пойыз тоқтап үлгерместен секіріп түсті де, тоңазып қалған қыздың балғын денесін бауырына басты...

Қыз жиырма төрт жасқа толған жылы, оның әкесі жігітті іздеп келіп, қызының өмірлік бақытына кесе-көлденең болмай, іргесін аулақ салуын айтты. Бойжеткен де оны іздеп келген жоқ. Бұл айрылудың белгісі еді. Қоштасар күні жігіт оның терезенің алдында бір түн бойы күтті. Ертеңінде терезе пердесін ашқан бойжеткен аула дуалының әр жеріне қыстырылған шұғынық гүлдерін көрді. Қып-қызыл қауашағы семіп, жапырақтары қурап қалыпты...

Қыз 25 жасқа толған жылы некеленіп, күйеуіне ілесіп, шет елге қоныс аударып кетті. Оның өмірі орнықты, бақытты болды деп ауыз толтыра айтарлықтай өтті.

75 жасқа толған жылы күйеуі көз жұмды. Тәрбиелі, табысты ержеткен ұлдары оны өзінің туған жеріне қайта алып келді. Бірақ, туған жерінің шұғылалы көркем келбетін үш-ақ ай көрді. Бір күні таңертең оянған оның көздері су қараңғы боп қалған. Анасының денсаулығынан қатты алаңдаған ұлдары оның тағы да шет елге апарып емдетпек еді, ол бәрібір көнбеді. Ғұмырының соңғы сәттерін осы туған топырағында өткізгісі келген. Олар амалсыздан осы маңдағы ең мықты шипагерді ұсыныс етті.

Бурыл тартқан шашы артына қайрыла таралған, ұзақ жылдық күрес пен тауқыметтің белгісіндей болған әжімдері тұрпатын тіпті де қайсар, тұлғалы етіп көрсететін қарт дәрігер есіктен кіріп келді де, науқасқа үнсіз тесіліп тұрып қалды. Сәлден соң ғана есін жиғандай болып, кемпірдің тарамыстанған қолын ұстады. Осы кезде қария бетіндегі әжім сызықтары сәл жиырылып барып, жазылып кетті. Бейне жетпіс жылдың алдындағыдай, ештеңе өзгермегендей. Қартайса да салаулы, қарымды саусақтарды мейірімділікпен ұстай отырып, бәсең дауыспен «Баяғы жылы қылпында екен ғой! Сол, сол...» деді де, әжімді жүзін жас жуып қоя берді...

Аударған: Алшын Матай

Сурет: baidu.com

21485 15
Рейтинг: +6

Дайындаған: Қайсар Қауымбек
Қосылған күні: 15 наурыз 2013, 11:15
Пікірлер
+0
15 наурыз 2013, 10:46

ээх

+0
15 наурыз 2013, 11:22

мундайда махаббат болады екенау!

+0
15 наурыз 2013, 11:37

:roll: ...

+0
15 наурыз 2013, 12:09

бақытқа жетуде адамдар бір-біріне кесе-көлденең тұрып жатады. Осыны түсінбей-ақ қойдым.

+0
15 наурыз 2013, 15:17

автор ренжімесін, бірақ өмірде тура осындай махаббат болады дегенге себейді екенмін....

+0
15 наурыз 2013, 15:21

кайдан боласыздар

+0
16 сәуір 2013, 22:34

Маххабат мәңгілік қой

+0
15 наурыз 2013, 15:19

асерли екен

+0
15 наурыз 2013, 15:20

Ерке кайдан боласыз

+0
15 наурыз 2013, 18:35

қайдан боласыз? неліктен осындай сұрақ қойғаныңызды түсінбедім...егер осы жазбаға қатысты пікіріме айтылған болса тура осындай өмір бойына жететін махаббатты көрмегендіктен сенбейтін сияқтымын

+0
28 наурыз 2013, 18:30

керемет!

+0
17 сәуір 2013, 01:02

Ғажап...

+0
17 сәуір 2013, 01:55

yay yay yay :cry:

+0
09 мамыр 2014, 17:27

Әсерлі, бірақ мен бұны ертегі ретінде қабылдадым!

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

"Том Сойермен балалық шаққа..."

Марк Твеннің таңдаулы туындылары

Автор: Nazym Samet
Жетінші аптаның үздік блогы
Жетінші аптаның үздік блогы

Демалыс кезінде блог жазуға да уақыт тапқан оқырмандарымызға алғыс айтамыз

"Мен өзінді теңдесі жоқ құдірет деп түсінем!.."

. Әлемде миллиондаған аналар бар. Олардың әрқайсысы ерекше, әрі қайталанбайтын...

Мен мақтан тұтамын!
Мен мақтан тұтамын!

“Дарын – армандардың орындалатын құт мекені” деймін.

Егер мен жазушы болсам...
Егер мен жазушы болсам...

Егер мен жазушы болсам, "Махаббат, қызық мол жылдар" романының шешімі қандай...

Төрт алынған екі
Төрт алынған екі

Төрт алынған екі деген есепке төрт деп жазғаным себепті, мұғалімнен екі күн сын...

Автор: Естен Ербол

Соңғы аудармалар

Елес ерткен
Елес ерткен

Түпнұсқа атауы - Sen to Chihiro no kamikakushi Орысша атауы - Унесенные призраками Мемлекет: Жапония Жылы: 2001 Түрі: аниме Режиссері: Хаяо Миядзаки Жанры: шытырман оқиға Аударма: Темірлан Бредин, Айза Берікболова Дыбыстаған:...

Секундына 5 сантиметр
Секундына 5 сантиметр

Түпнұсқа атауы - Byôsoku 5 senchimêtoru Орысша атауы - 5 сантиметров в секунду Мемлекет: Жапония Жылы: 2007 Түрі: аниме Режиссері: Макото Синкай Жанры:...

Red Velvet - Rookie [kaz_sub]
Red Velvet - Rookie [kaz_sub]

Оңтүстік кореялық "Red Velvet" қыздар тобының жаңа жұмысын қабыл алыңыздар. 2014 жылы құрылған топ сәтті жұмыс істеп келеді. Аталған әнге түсірілген бейнебаян да ашық...