Француз режиссері Жібек жолы жайлы фильм түсірмек

Әйгілі француз режиссері Режис Гезельбаш Жібек жолы жайлы фильм түсірмек.

Түсірілімнің бір бөлігі Қазақстанда өтеді. Бұл жайлы Семейдегі Шәкәрім атындағы университетте өткен кездесуде осы оқу орнының құрметті профессоры атағын алған Режис Гезельбаштың өзі баяндады. Болашақта университет жанынан өнер мектебі ашылып, режиссер сонда кеңесші болмақ. Еске сала кетейік, Режис Гезелбаш біздің елімізге Тұңғыш Президент Нұрсұлтан Назарбаев жайлы түсірген фильмдер циклімен танымал. 

Режис Гезельбаш, режиссер: 
- Жібек жолы жайлы фильмінің бір бөлігі Қазақстанда түсірілуі мен үшін бақыт. Таспада Еуропа мен Азияның арақатынасы баяндалады. Қазақстан – өте үлкен аумақты алып жатқан ел. Сіздерде көптеген ұлт өкілдері тату-тәтті өмір сүріп жатыр.

Дереккөз: 24.kz