Өлімге итермелейтін 3 әдет

Қысқа алынған тырнақ, гигиеналық далап, тісті күніне екі рет тазалау. Бір қарағанда, ең дұрыс және «салауатты» әдеттер тізімі секілді көрінеді. Дегенмен, шын мәнінде, бәрі өте күрделі.  

1. Жылдың суық мезгілінде жағылған гигиеналық далап

Ғимараттарда жылу қосылғанда, бөлме ішіндегі ауа тым құрғақ болады. Егер мұндай жағдайда гигиеналық далап қолдансаңыз, оның құрамындағы вазелин ылғалды ауадан емес (ауада ылғал жоқ), ерніңізден сорады. Нәтижесінде, ерніңіз одан сайын құрғап, ал сіз оны ылғалдандыру үшін далапты қайта-қайта жаға бересіз.   

Ғалымдар зерттеуі бойынша, әйел адам 10 жыл ішінде мұнай өнімдерінің негізінде жасалған 3 келі техникалық вазелин «жейді» екен. Мамандар қатерлі ісік вазелинмен тығыз байланысты деп болжайды. Оған қоса, омырау қатерлі ісігіне душар болған әйел ағзасындағы гидрокарбонат (техникалық вазелин құрамындағы заттар) мөлшері сау әйелге қарағанда, екі есе көп болатыны анықталып отыр.    

Не істеу қажет? 

1. Ауа ылғалдатқышын орнатыңыз. Бөлме ішінде ауа ылғалдылығы 60%-дан кем болмауы тиіс!  
2. Ара балауызынан жасалған гигиеналық далап сатып алыңыз.
3. Күніне 2 литр су ішіңіз. Ылғалдандыру сырттан емес, іштен болу керек!

2. Башпай тырнағының қысқа алынуы

Егер Сіз тырнағыңызды қысқа етіп қиып, мұның еш қаупі жоқ деп ойласаңыз, қателесесіз. Дұрыс емес алынған тырнақ тырнақ асты етіне өсуі мүмкін.   

Егер қысқа алынған тырнақ асты іріңдей бастаса, не істеу керек?

1. Аяғыңызды буға ұстап, терісін жұмсартыңыз.
2. Тіс тазалағыш көмегімен, кішкентай мақтаны тырнақ астына тығыңыз.
3. Мақтаны тырнақ астында 1 күнге қалдырыңыз: бұл тырнақты іріңдеген жерден сәл көтеріп, дұрыс өсуіне мүмкіндік береді.  
4. Тырнақ астындағы теріге медициналық пластырь жапсырыңыз.
5. Етке өсіп кеткен тырнақтың ұшын өз бетіңізбен алушы болмаңыз. Айтылған шараларды жасағаннан кейін де, жазылмаса, дәрігерге барыңыз!

3. Фторлы тіс пастасы

«Фторлы тіс пастасы тіс эмалін қатайтып, кариестен сақтайды», - деп ойласаңыз, сіз жартылай қателесесіз. 1972 жылы өткізілген медициналық зерттеулердің өзі фтордың денсаулыққа қауіпті екенін дәлелдеген. Ол сүйекте жиналып, қатерлі ісік – остеосаркома індетін ушықтырады.  

Не істеу керек?

1. Фторлы тіс пастасын пайдалануды азайтып, мұндай пастаны күніне бір рет қана пайдаланған жөн. Фтор несепте, бұлшықет тарамдарында және қанда жиналады. 
2. Тісті қарапайым тіс пастасымен немесе тіс ұнтағымен тазалау керек.

Суреттер 1tv.ru, zdorovieinfo.ru, natural-medicine.ru, nickn8.blogspot.com сайттарынан алынған