Кешірім сұрағым келеді...

Олар Массагетті оқымайтын болса ше?.. менің де көөөп адамнан кешірім сұрағым келеді, өкпесін ашық білдірмесе де.

Оқуы міндетті емес деп ойлаймын, бастысы өз қателігіңізді түсінгеніңіз...ішіміздегіні ақтарайық. Бәлкім оқып та қалар...

Ендеше мені осында, Массагетте оқитындардан бастайын. Жазба авторлары, пікір қалдырушылар, тұрақты қолданушылар.. кейде менің өз пікірімді тым ашық білдіріп, сойқан салып тұрып дәлелдейтін өзіндік көзқарастарым сіздерде жайсыздық сезімін тудырған болса (болашақта да) кешірім өтінем. Бәрін жазып, ағымнан жарылып болған соң ғана өзіндік пікірден гөрі адамдық, бауырлық қатынастардың қымбат екенін кеш ұғып жатам. Ал Массегет бір үлкен отбасы тәріздес қой.

Бірінші сыныпқа бірге барып, көп жыл жақын көрші, айнымас құрбым болған Сандуғаш есімді аруды қазір сағынып жүрмін, ол отбасылы, сирек хабарласамыз. Бала күнімізде мен оны жиі ренжіткен сияқтымын, ойыма келгенін айтып салатын, мінезім тентектеу, өктемдеу болғаным үшін кешірім сұраймын. Ол нәзік, тұйықтау болатын, маған айта алмағандары көп шығар.

Р... (атын атамай-ақ қояйыншы) деген жігіттен кешірім сұрағым келеді, түсініп тұрып, түсінбеген сыңай танытқаным үшін, әдемі басталып келе жатқан достықтың әуенін қырсықтау мінезіммен бұзып алғаным үшін, қазіргі шарасыздығым үшін...

Маған өкпесі болып, бірақ айта алмай жүрген достарымнан да кешірім сұраймын. Көңіл-күйім болмаған кезде қаталдығымды көретін бауырларымнан кешірім күтем.

P.S. Айгерім, мына форумды бастағаның қандай тамаша болды, бір жеңілдеп қалған сияқтымын. Рахмет саған!

Ойбууууу, мен біраз адамнан кешірім сұрайтын сияқтымын... Өйткені ойымдағыны жасырмай айта салатын жаман әдетім бар...