Массагеттен мәзір: Түріктің жасымық көжесі

Массагеттен мәзір: Түріктің жасымық көжесі

Жасымықтан әзірленген езбе көже – түрік халқының дәстүрлі тағамдарының бірі. Мержмек деп аталатын жеңіл, асқазанға ауырлық түсірмейтін тағамның дайындалуы да өте оңай. Басты құрамдас бөлік – қызыл жасымық жармасы.

Құрамы: 

  • 1 стақан қызыл жасымық жармасы; 
  • 1 үлкен немесе екі кіші пияз; 
  • 1 орташа сәбіз;
  • 1 қызанақ;
  • сарымсақ;
  • тұз, қызыл бұрыш. 
Пияз бен сарымсақты майдалап тураңыз. Қазанға май қыздырып, пияз бен сарымсақты қуырыңыз. 
Сәбізді майда қылып тураңыз.
Қызанақты қалауыңызша тураңыз.
Қуырылып жатқан пияз бен сарымсаққа сәбізді, артынан қызанақты қосыңыз. Кішкенеден кейін, жуылған жасымық жармасын салыңыз. Үстінен 2 стақан қайнатылған су құйып, тұздап, бұрыштаңыз. Баяу отқа 30-40 минутқа қалдырыңыз.
Піскен жасымықты блендер көмегімен майдалап, езбеге айналдырыңыз. Езбе тым қою болған жағдайда оған сорпа, су қосуға болады. 
Жасымық көжесімен бірге дастарханға сарымсақ нанын қойыңыз. Нанды турап, үстіне майдаланған сарымсақ қосылған май жағып, пісіру пешіне 15 минутқа салыңыз.

Астарыңыз дәмді болсын!

Дайындаған: Сания Аринова

С. А