Оқи отырыңыз

Тілекке еңбек тірек болмаса, ойға омалып қырдан аса алмайсың.

Автор: Бауыржан Момышұлы

— Редактор бағаны —

Байтұрсынұлы Нобель сыйлығы жайында
Байтұрсынұлы Нобель сыйлығы жайында

Автор: Ербол Жұмабайұлы

Статус: Massaget.kz порталының Бас редакторы

Материал жіберу

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Бас бет / Арнайы жобалар / Бізге 1 жыл! / Қ. Наурызәлиев: "Massaget.kz жобасының болашағына кәміл сенемін!"

Қ. Наурызәлиев: "Massaget.kz жобасының болашағына кәміл сенемін!"

Қ. Наурызәлиев:

Массагет порталының негізін қалаушылардың бірі, Массагеттің бұрынғы контент-менеджері Қайыржан Наурызәлиевтің лебізі.

Қайыржан, бәрін басынан бастағанымыз жөн болар. Massaget.kz порталына қалай келдіңіз?

Басында басқа жобаға контент-менеджер болып келіп едім. Массагет.кз қазақ тілді ойын-сауық порталының жобасы жайлы естігенде, қуанып қалып едім. Өйткені, бұрын-соңды қазақ тілінде бұндай жобаны кездестірмеппін. Техникалық мамандықты игергендіктен, мақала жазу мен үшін таңсық нәрсе. Бірақ, қасымда әрқашан демеу болып тұрған әріптестерімнің көмек көрсетуінің арқасында мақала жаза алатындай дәрежеге жеттік. Массагет.кз нөлден бастап құрастырылғандықтан, бұл жоба барлығымыздың иығымызға үлкен жүк болды. "Жастарға бұл жоба қызық бола ма, жоқ па?" деген сұрақ, команда мүшелерінің ұйқысын ұрлаған еді. Сайттың ашылу күні жақындай берген сайын, мойнымызға іліп алған жауапкершілік ауырлай берді. Ең алғаш сайтымыздың ашылған күні әлі есімде. Бұндайды ұмытасың ба? 16 желтоқсан. Еліміздің әр аймағында барша халық Тәуелсіздік күнін тойлағанда, команда жобаны дер кезінде бітіру үшін аянбай тер төкті. Бұл күн ғаламтор қолданушылары үшін жай ғана жаңа сайттың жарық көрумен естерінде қалса, біз үшін бұл күн тұңғыш баламыздың дүние есігін ашқанмен тең болды десем, артық емес. "Жұмыла көтерген жүк жеңіл" демекші, біз барлық ауыртпашылықты бірге көтеріп, Тәуелсіздік күніне арнап жобамызды паш еттік. Айтпақшы, программистердің еңбегін ұмытпайық ағайын. Олар болмаса, жоба болар ма еді?

Massaget.kz сізге не бере алды?

Ең бастысы бұл жоба менің және мен сияқты мыңдаған қазақ жастарының туған тіліне, мәдениеті мен салт-дәстүрлеріне деген сүйіспеншілігін одан сайын арттырып, патриоттық сезімдерін оятты. Бұл жобаның арқасында бірталай адаммен дос болдым. Блогосфера деген тамаша ұғыммен таныс болдым.

Сіз Massaget.kz-ке не бере алдыңыз?

Бергеннен алғаным көп болды. Әрине, біршама мақалалардың авторы болдым, соның кем дегенде біреуі оқырманға қызық болып көрінсе, сол мен үшін нағыз қуаныш.

Massaget.kz порталының болашағын қалай елестетесіз?

Массагет.кз жобасының болашағы жарқын болатынына кәміл сенемін. Өйткені, қазақ жастарының дүниетанымын, қазақ тілінің дәрежесін асқақтатып тұрған ұжымның еңбегі бекер емес. Әрине, бұл тек ұжымның ғана емес, оқырманның да үлесі.

Massaget.kz-тің контент-менеджерлері қандай болу керек деп ойлайсыз?

Контент-менеджер жан-жақты білімді әрі жаңа тақырыптар мен идеяларды түсініп, оны одан сайын дамыта алатын сегіз қырлы, бір сырлы болуы тиіс. Ең бастысы ақпаратты дұрыс өңдей алып, оқырманды өзіне қарата білуі шарт.

Қазір қайдасыз? Немен айналысып жүрсіз?

Қазір Ресейдегі Томск қаласында магистратурада оқып жатырмын. Радиотехника мамандығы бойынша білімімді жетілдіру үшін шетелдік оқу орындарының бірін таңдағанды жөн көрдім.

Өзіңізге ерекше ұнайтын айдар?

Сайттағы ерекше ұнататын айдарым - "Техно". Техникалық мамандықтың иесі болғандықтан, бұл айдар өзіме ерекше жылы болып көрінеді. Бірақ, қыздардың сүйіп оқитын «Психология» айдарын жиі-жиі оқып тұрамын. Қыздардың психологиясын түсіну үшін. Бірақ оны түсіну жігіттерге бұйырмаған сияқты...

Туылған күнге тілек?

Ең бастысы денсаулық! Қалғанын көре жатармыз...

Сұхбаттасқан: Айгерім Сматуллаева

Сурет: жеке мұрағаттан 

1861 15
Рейтинг: +9

Дайындаған: Кәусар Мұң
Қосылған күні: 05 желтоқсан 2012, 17:45
Пікірлер
+0
05 желтоқсан 2012, 17:05

Сайтта ең алғаш танысқан жігіттердің бірі Қайреке. Техно айдарында сенің жазбаларың болашақ жастарға пайдасы тиеді деп ойлаймын

+0
05 желтоқсан 2012, 17:31

Қайреке, сенің посттарың мен блогтарыңды сағындық

+0
05 желтоқсан 2012, 17:32

блог жазып тұр, әсіресе Ресейдегі танысқан қыздарың туралы :mrgreen:

+0
05 желтоқсан 2012, 17:45

Ресейде қандай оқу орнында оқып жатырсыз? деген сұрағыма жауап бере алар ма екен )

+0
05 желтоқсан 2012, 17:46

Құдай бере салған Қайрош!

+0
05 желтоқсан 2012, 18:08

Бұл жігітті Қйрош деп қазақша есім беріп,еркелетіп жүрген өзге ұлттың адамы шығар деп жүрсееееееем. :oops: :D Кешірерсіз!

+0
06 желтоқсан 2012, 02:39

Қайрош деген әдемі есім ғой негізі.

+0
05 желтоқсан 2012, 22:44

Қайыржанның "шәй ішпедік па" деп кіріп келетінін ұмытпаймыз :) Сізге деген алғысымыз да жоқ емес. Массагеттке келіп жайғасқанымызда қол ұшын беруден тартынбаған Қайреке, аман болыңыз!

+0
05 желтоқсан 2012, 23:54

құдой-құдой деп Болатбек ағамнан бұрын жазайын :D

+0
06 желтоқсан 2012, 09:36

"Ал енді өзіміз бір шәй ішейік" дейтін Қайыр ғой бұл)))) Қайыржан мен Айнара бір-біріне қарама-қарсы отыратын. Бірақ, Қайыр басында аса көп сөйлемейтін еді. Оның бар-жоғы аса біліне бермейтін. Күндердің күнінде ойда-жоқта басын шығарып қалып еді, Айнара селк етіп: "Саған не болды? Неліктен басыңды шығардың?" деп бәрімізді күлкіге бөлеп еді))))

+0
06 желтоқсан 2012, 10:32

Миканың материалды жазып біткен соң, "Болдым" деп ескертіңдер дегеніне Қайреке: "Как в детстве - Болдым" деңдер деп, күлкіден қырылып қала жаздаған едік. :lol: Жалпы Қайыржан әрдайым күлдіртіп, небір приколдар айтып жүретін, шынымен сағындық өзін :)

+0
06 желтоқсан 2012, 11:17

Қайрға қанша өтініш айтсақ та, бір бетімізді қайтарып көрмепті. Соған әбден үйреніп алып, комп қосылмай жатса, "Қайыыыр, комп қосылмай жатыр не істеймін?!" деп еркелейтінбіз ) Бір қабақ шытқанын көрмеппін. "Қаз, Мика, қаз" деп айтқан сөзін міндетті түрде орындайтын. Бір уәде беріп, соны орындамаған күні болмапты. Материал жазам десе, жазатын. Қайырды осы қасиеті үшін де құрметтеуге, сыйлауға лайық. Сырға берік, ақылшы дос та бола білді. Қазір Ресейде оқып жүр. Мен осындай жанмен бір жерде жұмыс жасағаным үшін өте қуаныштымын!

+0
06 желтоқсан 2012, 11:32

100% қосыламын!

+0
06 желтоқсан 2012, 11:50

:lol: әнек бала кені көрніп тұр!!! юморды қатты бағалайтын боғандықтан, жақс көрем осындай адамдарды)))

+1
07 желтоқсан 2012, 10:50

Қайыр қайт үйге!)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Ең қызықты блогтар

Түс туралы не білеміз?
Түс туралы не білеміз?

Келесі кезекте, түс жайлы қызықты фактілерді келтіремін

Моана
Моана

Жаңадан шыққан Диснейлік мультфильм балалар жүрегін жаулап алды.

Автор: Medina Musa
БІР ҒҰМЫРДЫҢ БАЯНЫ (әңгіме)
БІР ҒҰМЫРДЫҢ БАЯНЫ (әңгіме)

Әншейінде күзгі аспанға ұқсап тұнжырап жүретін қарттың ерекше ықтиярлы болып...

Ақ қайың
Ақ қайың

Менің үшінші әңгімем...

Парадокс интенциясы һәм Өмірдің МӘНі ....
Парадокс интенциясы һәм Өмірдің МӘНі ....

Қызықты кітап оқығыңыз келіп жүрсе, оқып шығыңыз....

Автор: Ayazhan Muhatay

Соңғы аудармалар

EXO - Lucky One [kaz_sub]
EXO - Lucky One [kaz_sub]

Оңтүстік кореялық әйгілі бойз-бэнд EXO тобы бүгінде дәурені жүріп, дүркіреп тұрған топ болып отыр. Жігіттер тобы тек Оңтүстік Кореяда ғана емес, Азияда танымал. Қазақстанда да EXO тобының жанкүйерлері жетерлік. Басында он екі қатысушыдан құралғанымен, бүгінде топта он өнерпаз өнер көрсетеді. Әр қатысушы жан-жақты, талантты. Біз бұған дейін аталған топтың бірнеше бейнебаянын қазақшаға аударған едік. Назарларыңызға топтың "Lucky One" туындысын қазақша субтитрмен ұсынамыз. Аударған: Жарылқасын Мырза Тайминг,...

IU - The shower [kaz_sub]
IU - The shower [kaz_sub]

Ли Чжи Ын – оңтүстік кореялық 23 жасар әнші қыз. Оның сахналық есімі «I and You» (мен және сен) әуен арқылы бір бүтін бола аламыз дегенді білдіреді....

Күн ұрпақтары/ Сошедшие с солнца / Descendants of the Sun [kaz_sub]
Күн ұрпақтары/ Сошедшие с солнца / Descendants of the Sun [kaz_sub]

Ел: Оңтүстік Корея  Жанр: романтика, медицина, драма, комедия, боевик  Жыл: 2016  Режиссер: Ли Ын Бок Басты рөлдерде: Чжин Гу, Сон Хе Ге, Сон Джун...