"Мәңгілік ел" қақпасы

Бірнеше күн бұрын Әлемтану оқырмандарына әлемдік сәулет өнерінің кестесінен орын алып үлгерген тамаша өнер туындысы - "Хан шатыр" ойын-сауық орталығы туралы әңгімелеген болсақ, бүгін елордамыз Астана қаласындағы асқақ рухымыздың тағы да бір нышанына айналған "Мәңгілік ел" қақпасы туралы баяндайтын боламыз.

"Мәңгілік ел" қақпасы әлемдегі санаулы қа­лаларға тән ерекше сәулеттік-мо­ну­мен­тал­ды туынды. Әдетте мұндай қақпа жеңіс рухын асқақтату немесе жасампаз жетіс­тік­тердің құрметіне қаланың кіреберісіне, үлкен жолдың бойына орнатылады. Астанадағы салтанат қақпасы да осы талаптарға толықтай жауап бере алады.

Бұл сәулет нысаны Астананың сол жа­ға­лауындағы аспанмен таласқан зәулім ғимараттардың ортасынан ойып орын алып, Есілдің сол жағалауындағы Ас­та­наның жаңа әкімшілік орталығы, қай­та­лан­бас дара бейнесі бар толымды сәулет ансамблін түзбек: темірқазығы – Елба­сы­ның ақ сарайы Ақорда, одан тарайтын «шуақ бағыты» бір жағынан Бейбітшілік және келісім сарайына, «Қазақ елі» мону­мен­тіне, Тәуелсіздік сарайына, Шабыт сарайына тараса, тағы бір «сәулесі» сулы-жасыл желек жолды көктей өтіп, көкке қарай бет алған алып ғимараттарға бағыт алып тұр.

Сәулет нысанының биіктігі – 20 метр. Бұл – ел Тәуелсіздігінің 20 жылдығының белгісі. Салтанатты қақпа Тәуелсіздіктің жиырма жылдығының қарсаңында ашылғанын айта кетейік. 

Әрбір қабырғаның төменгі табанында биіктігі 4,4 метр болатын көлемді мүсіндер бар. Композициялық тұрғыда бұл ба­рельеф­­тер нысанның төменгі жағында ор­на­­лас­қан. 

Қақпаның сол жақ қапталында «Ақ­са­қал» мүсіні орнатылған. Бұл – халықтың ойы мен рухани өлшемінің көрінісі, да­на­лық­тың символы. Санаға сіңген осынау дәс­түрлі бейне «даналық», «данышпан», «ғұлама» сынды қазақ халқына тән ұлы ұғым­дармен астасады. Оның қазақы ерек­шелігін ұлттық киімінен аңғаруға болады. 


Қақпаның сол жақ қапталында от иесі – «Әйел-Ананың» рельефті мүсіні ор­на­тыл­ған. Ана бейнесі қазақ ұлты үшін «Отан-Ана», «Жер-Ана», «ана тілі» сынды киелі ұлт­тық ұғымдарына ұласады. Олай болса, ана бейнесі арқылы адамның дүниеге келуі, туған жер мен Отан туралы идео­ло­гем­ма айқын көрініс табады. 

Мүсіндердің әрқайсысының астында қазақтың «Мәңгілік» дара таңбасы орын тепсе, әр мүсіннің жоғарғы жағында Елтаңба орналасқан. Сыртқы бөліктің жоғарғы жағында «Мәңгілік ел» жазуы бар. Ол – мемлекет пен ұлттың уа­қыт­қа тәуелсіз киелі қорғаны.

Сондай-ақ қабырғалары қазақтың күр­делі ұлттық өрнектерімен безендіріліп, ор­та­сына қазақ жауынгерінің бес қаруының бірі – қалқан орналасқан. Қалқан – қауіп-қатердің қорғаны, сенімділік, тұрақ­­ты­лық, жеңістің белгісі. Нысанның екі жағындағы «Тай қазан» мүсіні өзіндік орындармен ерекшеленеді. «Тай қазан» тыныштық пен тоқшылықтың, бірегей көңіл мен қонақжай пейілдің терең ұғымын білдіреді. 

Елбасы Н.Ә.Назарбаев қақпаның ашылу салтанатында: «Біз бұл тамаша Жасампаздық қақпасын біздің еңбегіміздің, біздің табыстарымыздың белгісі ретінде, болашаққа өтудегі белгіміз ретінде тұрғыздық. Қақпа біздің жас, әсем елордамыз – Астананың тағы бір символына айналатын болады. Біздің береке-бірлігіміз, біздің достығымыз, біздің көпұлтты мемлекетіміздегі өзара сенім бізді үлкен жеңістерге жеткізді. Біз бүгін осы жерге ұлы мерекені – ел Тәуелсіздігінің 20 жылдығын атап өту үшін келіп тұрмыз. Мен барлығыңызды осы мерекемен құттықтаймын. Халқымызға жақсылық, бақыт, әрбір отбасына амандық тілеймін! Қазақстан жасасын! Тәуелсіздік жасасын! Қазақстандықтардың бірлігі жасасын! Мерекелеріңізбен!», - деген екен. Біз де еліміздің оты мәңгілікке сөнбесін деп тілейік! "Мәңгілік ел" қақпасына сіз де қонаққа келіңіз!

Арнайы Massaget.kz үшін: Айгерім Сматуллаева


6078 2
(0)

E-mail получателя:
Текст сообщения:

Оқи отырыңыз


Пікірлер тізімі

Пікір қалдыру үшін тіркеліңіз немесе сайтқа кіріңіз

Танымал блогтар


Қазақ даласының бір көрінісі

Адам мен табиғат айырмашылығы


Туған анамен қауышу

Соққы болған хабар, кейде қуанышқа ұласады


Пасха

балалық



Қос қуаныш біздегі!

Сәуір айы Массагет редакциясы үшін қуанышқа толы ай. Олай дейтін себебіміз, бұл айда туған күн көп -))


Эстафета: жеккөру VS жақсы көру

Жақсы көретін де, жеккөретін де дүниелер бар...




Айдарлар бойынша қызықты


Қызықты қосымшалар: iBooks - кітап оқуға арналған қосымшасы (iOS үшін)

Бүгін сіздерге iOS операциондық жүйесі базасында жасалған гаджеттерге арналған қызықты қосымшаның...

"Өрмекші адам" қазақша сөйледі

Шындығында бұл фильмнің жалғасын бағалау қиынға соғады.

Жадыңызда болсын – 2

Кейде оңай заңдылықтарды түсіне алмайтын кезіміз болады. Оны білген кезде, "Бұрын-соңды неге ойламадым екен?...


Жан тебірентер суреттер

Бүгін назарларыңызға бір көріп, көңіл түкпірінде сақталып қалар сезімге толы сырлы суреттерді ұсынамыз.

Футболдан ел кубогының алғашқы айналымы аяқталды

Жаңа ғана футболдан Қазақстан Республикасы кубогының алғашқы айналымындағы кездесулер мәресіне жетті....

"YouTube" видеоресурсынан видеороликті тез әрі оңай жүктеп алудың жолы

Назарларыңызға "YouTube" видеоресурсынан видеороликті тез әрі оңай жүктеп алудың жолын ұсынамыз.



Соңғы бейнебаян

Bang Yong Guk & ZELO - Never Give Up [қазақша субтитрлер]

B.A.P тобы құрылмай тұрып, топтың рэперлері Бан Ен Гук пен Джело BANG&ZELO дуэті болды. Екеуі бірлесіп, "Never Give Up" әніне бейнебаян ұсынды. Ән мектеп қабырғасында болатын қызықтар мен оқиғаларды баян етеді.

Аударған: Сымбат Әділбек

Әрлеген: T.Kyuti


T.O.P - DOOM DADA [қазақша субтитрлер]

T.O.P 2013 жылдың аяғына таман өзінің «DOOM DADA» атты әніне бейнеклип ұсынды. Әннің мәтінін ол өзі жазған, ал композиторы Big Bang тобының “Bad Boy” және G-Dragon-ның “One...


T-ara - Apple is A + [қазақша субтитрлер]

Apple is A + топтың алғашқы бейнебаяндарының бірі. Ол 2009 жылы шыққан. Бейнебаянда басты рөлді Джиен және Сон Ходжун сомдайды, онымен қоса детектив пен көмекшісі және...




Материал жіберу

Отанды сүю  отбасынан басталады

Любовь к Родине зарождается у семейного очага

Үздік әуендер

"Тұран" тобы"Іңір"
"Алдаспан" тобы"Қосбасар" - М. Хасанов
Роза Рымбаева"Жұмбақ сезім"
"Тұран" тобыThe swan - N. Tilendiev
"Тұран" тобы"Жарапазан"
Роза Рымбаева"Сені ғана"
"Алдаспан" тобы"Замандастар" - М. Хасанов
"Тұран" тобыKaiys's weeping - poems by S. Kudaiberdiev (the epic of 'Layla and Majnun')
"Алдаспан" тобы"Ой толғау" - М. Хасанов
"Алдаспан" тобы"Керуен" - М. Хасанов

Жаңалықтар мұрағаты

Қазір сайтта

Барлығы: 1400
Қонақтар: 1391