Мәзір: “Күн мен түн” бәліші

Бәліштің "күн мен түн" деп аталу себебі, қамыр түсінің аралас болуынан. Құрамындағы азықтарды көрсетілген мөлшерде салсаңыз, қамыр биік болады. Жасалу уақыты да ұзаққа созылмайды. Сәттілік! 

Құрамына:

Жұмыртқа — 3 дана

Ұн — 250 гр.

Сүт — 1 стақан

Маргарин (немесе сары май) — 200 гр.

Какао — 2 ас қасық

Ванилин қанты — 2 шәй қасық 

Қопсытқыш  — 1 шай қасық

Крахмал — 3 ас қасық

Дайындалуы:

• Маргаринді жәй отта ерітеміз;

• 
• Бөлек ыдысқа қант пен ванилинді араластыра саламыз;
• Енді бұл ыдысқа еріген маргаринді құямыз;
• Жұмыртқаны да саламыз;

• Қоспаны әбден араластырамыз;
• Ұн, қопсытқыш және крахмалды араластырып, қоспаға саламыз;
• Үстіне сүт құямыз;
• Қоспаны тең бөліп, жартысын басқа ыдысқа құямыз;
• Ыдыстың тек біреуіндегі қоспаға ғана какао себеміз;
• Енді қалыпқа алдымен какао қосылған қамырды, үстіне ақ қамырды құямыз;
• Шанышқымен қалыпқа салынған екі түсті қамырды бір рет айналдырып шығамыз;
• Енді 180С температурада қызған пешке 30 минутқа саламыз;
• Піскеннен кейін қалыпты төңкеріп қойып, бәлішті түсіреміз.

Астарыңыз дәмді болсын!