Мәзір: "Жаңа жыл" торты

Құрамы:

Қант — 1,5 стақан

Жұмыртқа — 3 дана

Маргарин — 150 гр.

Ас содасы — 2,5 ас қасық

Бал — 4 ас қасық

Ұн — 4,5-5 стақан

Креміне:

Қоюлатылған сүт — 1 банка

Сары май — 200 гр.

Дайындалуы:

• Жұмыртқа мен қантты қосып, миксердің көмегімен араластырамыз;

• Маргаринді ерітеміз;

• Еріген маргаринді жұмыртқа мен қант қоспасына қосамыз;

• Үстіне 4 ас қасық балды қосамыз;

• Ыдыстағы қоспаны ыстық су құйылған кең ыдысқа саламыз(паровая баня);

• Қоспаны үздіксіз араластырып тұру керек (30 минут);
• Енді ас содасын қосып, қоспа көлемі 2 есеге ұлғайғанға дейін араластырамыз;
• 2 стақан ұнды салып, араластырып, суытып қоямыз;

• Бұл уақытта кремін дайындаймыз: 1 банкі қоюлатылған сүт пен сары майды миксердің көмегімен араластырамыз; 

• Қалған ұнды да салып, қамыр илейміз;

• Қамырды 8-9 бөлікке бөлеміз. Әр бөлікті қалып көлемімен бірдей етіп жаямыз;

• Енді қамырларды 5 минуттан пісіреміз;

• Ыстық күйінде әр шелпекке дайындалған кремді жағып отырамыз;

• Крем жағылған шелпектерді қабатымен орналастырамыз;

• Соңынан барып, торттың қалған ұнтақтарын немесе жаңғақтарын сеуіп, сәндейміз;

Жаңажылдық торт дайын! Жаңа жыл құтты болсын!