Cұрақ-жауап уақытша тоқтатылады

Сұрақтың текстін теріңіз және айдар таңдаңыз!

Сіздің сұрағыңыз қабылданды!


Інжу Дулат
Күні:31 тамыз 2016, 11:58
2 жауап

"Жаз өтті" тақырыбына шығарма керек еді. Көмектесіңіздерші, өтініш

1

Күлтегін ЕлтерісКүлтегін Елтеріс
31 тамыз 2016, 12:05

Мына шығармаға қарап, өзіңнің жазыңның қалай өткенін жазып көр: Менің жазғы каникулым өте қызықты өтті. Жазғы демалысымды мектеп кезінде қатты күтіп едім, енді міне, сол демалыстың санаулы соңғы күндері өтіп жатыр. Алайда, демалысымның тез аяқталғанына жабырқамаймын. Себебі, мектептегі достарымды, ұстаздарымды қатты сағындым. Каникулымның барлық күні қызықты әрі есте қаларлықтай өтті. Әдетте көп балалар демалыс күндерін басқа қалада өткізгенді қалайды. Ал, мен демалыс күндерімді ата-анамның қасында өткізгенді қалаймын. Себебі, сабақ күндері ата-анама қолұшымды жиі бере бермеймін. Өйткені, олар менің сабақты жақсы оқығанымды қалады, басқа нәрсемен айналысып, көңілімнің бөлінуін қаламады. Сол үшін демалыс кезінде барынша ата-анама көмектескім келеді. Алайда, басқа қалаларға да әжеммен бірге жиі барып тұрамын. Мен үшін туған жерімде өткізген демалыс күндерім өте қызық. Мен Қызылорда облысы, Арал қаласының тұрғынымын. Менің бұл жақта достарым өте көп. Біз ер бала болғандықтан, көбіне футбол ойнағанды жақсы көреміз. Алайда, одан басқа түрлі ойын ойнаймыз. Каникулдың ортасында ата-әжем тұратын ауылға барып қайтамын. Ол жақ мен үшін тамаша мекен, каникул басталса мені әсте сол жақ тартып тұрады. Неге екенін білмеймін?! Ол жаққа барсам, ата-әжемнің ерке немересіне айналған соң шығар. Олар өте жақсы адамадар, мен барсам бар дәмдісін алдыма қояды. Атам маған үнемі дана, ұлы ғұламалар айтқан сөздерді жиі айтып отырады. Мен олардың барлыған жадымда сақтауға тырысамын. Өйткені, ол сөздер адамға дұрыс жол бағыттайтын сөздер. Мен үшін ең ашық аспан ата-әжем тұратын ауылдың аспаны. Жұлдыздар аспанда саң мыңдап түрлі пішін көрсетіп тұрған секілді. Атам екеуіміз жетіқарақшыны санап, ауылдың салқын самалымен ұйықтап, шығыстан атқан күнімен бірге оянамыз. Таңғы шайды тәттілеп ішіп, айраннан ұрттап, азаннан кешке дейін ауыл балаларымен ойнаймын. Ауылда менің достарым өте көп, біз түрлі ойын ойнаймыз. Асық, ләңгі, аударыспақ, күрес және басқа. Бұл ойындар ер балалар ойнайтын қазақтың ұлттық ойындары. Негізінде футбол ойыны Қазақстанда жедел түрде дамып келе жатқан секілді. Қай жерде болмасын, ер балалардың бастары қосылса футбол ойынын ойнайды. Сол секілді біз де бұл ойынды ойнағанды жақсы көреміз. Мені бұл жақта балалар «Марио» деп атайды. Ол - Германия футбол құрамасында доп тебеді. Бразилияда өткен футболдан Әлем чемпионатында бұл құрама чемпион атанған. Сол кезде финалда аргентиналықтардың қақпасына өзінің үздік голын салған осы Марио болатын. Мен бұл Әлем чемпионатын үзбей қарадым. Ауылда футбол алаңында барлық баланың басы қосылып, бөлініп осы ойынды ойнаймыз. Ойнап болған соң жүгіріп ауылдағы тауға мінеміз. Ол жақтан ауыл алақандай болып көрінеді. Бұл ауылда тұз өндіріледі. Ауылда асыр салып ойнап, қалаға қайтамын. Қаладағы күндерім де өте қызық. Өзім түрлі нәрсемен айналысқанды жақсы көремін. Сондықтан болар, барлық күнім өте қызықты өтеді. Мен бос уақытымды тиімді пайдаланғанды жақсы көремін. Мысалы, кітап оқимын, сурет саламын, анда-санда өлең шығарамын, заттарды фантазиямен түрлендіремін. Шығарған өлеңдерімді жақында «Балапан» телеарнасына жолдаймын. Менің каникулым осылай қызықты өтті. Бірнеше күннен кейін мектепке барамын. Тағы бір сыныпқа өстім. Бұл сыныпты да жақсы бітіріп шығатыныма сенімім мол.

0
2

Әсел АққалиеваӘсел Аққалиева
02 қыркүйек 2016, 21:12

Осы шығарманы орындап көрсеңізде болады: Жаз. Шуақты күндер. Айналаны өзінің сұлулығымен, әсемдігімен баурап алатын алуан-алуан гүлдер мен жан-жануар, аң-құстар. Жаз – нағыз демалыс уақыты. Ауылдағы кездің, нағыз жұмыстың қайнар уақыты. Оқушыларда оқу жылы біте салысымен абыр-сабыр боп, жазғы демалысын қайда, қалай өткізетінін ойлап бас қатыратын маусым айы. Үш ай уақыт. Мен үшін бұл ұзақ та, қысқа да мерзім. Осы үш айда мен өз уақытымды барынша қызықты өткіздім. Ата-анама қолғабыс етіп те, қыдырып та, білімімді шыңдап та үлгердім. Маусым айында қорадағы отар қойларды бағып, әкеме неде болсын көмегімді тигіздім. Ауыл балаларымен қой бағып жүріп кей кездері әңгімеге кіріп кетіп, қойдан алшақтау болып қалған кездерім де болды. Тіпті кейде қойларым үйге менен бұрын келіп қоятын. Бұлақтың өзенге, өзеннің теңізге асыққанындай аптығып әрең жететінмін. Қой бағып жүріп күнделікті көріп жүрген жерлерім інжу-маржаннан алқа таққандай, көз тоймас көрнекті жерлер екендігін байқадым. Қой баққан сәтте өзімді кофе ішіп отырғандай емін-еркін сезінетінмін. Ех, маусым айындағы небір қызық кездерімді әлі де аңсаймын. Шілденің сарша тамыз ыстық кездері уақытымды қыдыруға арнадым. Кіндік атама қолғабыс етейін деп өрік, қара жидек, шие жинауға көмектестім. Шілде айы мен үшін нағыз саяхаттайтын уақыт еді. Тамыз айы. Бұл айды мен оқу жылын аңсаумен өткіздім. Сабаққа, достарыма, сыныптастарыма деген сағынышым одан сайын арта түсті. "Білімнен жақсырақ қазына болмас, ол бір тасқын бұлақ суы сарқылмас" дегендей тамыз айында Рахмет Иманғалиевтың "Халқын сүйген Сапура" атты кітабын оқыдым. Бұл кітап ауданымыздың сонау өткен жылдардағы беделді адамдардың шаруаларымен таныстырады. Сол кітаптың ішінен Лайсов Қазанғап деген есім маған таныс естілді. Сөйтсем ол кісі сыныптасым Маияның атасы екен. Міне, қызық. Бұл кітапты оқып бітірген соң Құдай-ау қайда сол жылдар, Махаббат қызық мол жылдар, Ақырын,ақырын шегініп, Алыстап кетті-ау құрғырлар,-деп Абай атам жырлағандай "Махаббат қызық мол жылдар"деп аталатын кітаты оқыдым. Бұл кітаптағы Меңтайдың перзентханада Ерболға жазған хаты өзгеше әсерлі. Студенттік кездері тіптен керемет.. "Сол бір күз" атты әңгімемен де таныстым. Айтылмай қалған тағы бір жайтым бар.Маусым айынан бастап білім күніне дейінгі аралықта танымал саиттардың бірі – Массагет ойын-сауық порталы ұсынған "Мақсатыңа Массагетпен бірге жет" байқауына қатыстым. Бұл байқаудан өзімді әбден шыңдадым. Бұл байқау менің сауатымды оятты. Маған шыдай білуді үйретті. Байқау арқылы мақсаттарыма айқын жете білдім. Мен өзіме сенемін. Өзіме сенуді маған сүйікті массагетім үйретті. Осы сенімім мені алға қарай нық қадам басуға жетелейді деп сенемін. Міне, менің жазғы демалысым ұйықтағанда көрген тәтті түстей өте шықты.

0