Әйелдердің зейнет жасын төмендету үшін мемлекеттік қаржы мүмкіндігін ескеру керек. Бұл туралы Мәжіліс төрағасы Ерлан Қошанов айтты, - деп хабарлайды Almaty.tv тілшісі.
БӨЛІСУ
Палатаның жалпы отырысынан кейін тілшілер Е.Қошановтан әйелдердің зейнетке шығу жасын 58-ге төмендетуге қатысты сұрақ қойды.
"Бұл мәселеге жеңіл қарауға болмайтын шығар. Себебі бұл бағытта мемлекеттің мүмкіншілігін де қарау керек. Қазіргі кезде тиісті талап-тілектер айтылып жатыр, оның барлығын білеміз. Өңірлерге барған кезде де ұсыныстар айтылды. Осы мәселеге қатысты ұсыныстарды пысықтау керек. Ол бойынша Үкімет, тиісті құзыретті орган жұмыс істеп жатыр", - деді ҚР Парламенті Мәжілісінің төрағасы Ерлан Қошанов.