Супер орта салмақта жұдырықтасатын қазақстандық боксшы Айдос Ербосынұлы (16-0, 11 КО) мексикалық танымал боксшы Сауль "Канело" Альвареске спарринг қарсылас болды. Бұл жайында Vesti.kz сайты хабарлады.
БӨЛІСУ
Айдос Ербосынұлы жуырда Сан-Диегода (АҚШ) мексикалықпен бір залда жаттығу жұмыстарын жүргізетіні жайлы айтылған. "Канело" жартылай ауыр салмақтағы ресейлік боксшы Дмитрий Биволмен (19-0, 11 КО) 7 мамыр күні Лас-Вегаста жұдырықтасады. Отандасымыз мексикалықтың дайындығын шыңдауына өз септігін тигізеді.
Қазақстандық боксшы да келесі жекпе-жегіне дайындық үстінде. Спарринг қарсылас болуы мол тәжірибе болмақ. Айдос кубалық Давид Морреллмен жұдырықтасады.