Қазақстандық боксшы қыз Ангелина Лукас 18 желтоқсан күні Нұр-Сұлтанда өтетін бокс кешінде бақ сынайды. Бұл туралы Vesti.kz сайты хабарлады.
Ұлттық құрама сапында болған дау-дамайдан кейін (Ангелина мен Назым Қызайбай арасында) Ангелина Лукас кәсіпқой боксқа бет бұрғандай. Ол жеңілірек салмақта (51 килоға дейінгі) 4 раундтық жекпе-жек өткізеді. Ал қарсыласы жақын арада белгілі болады.
Қазіргі таңда боксшы қыздың instagram парақшасына 555 мың адам жазылған. Отандық боксшы қыздар арасындағы танымалы.
Айта кетейік, Нұр-Сұлтандағы бокс кешінің басты жекпе-жегінде Данияр Елеусінов шаршы алаңға шығады. Ол жартылай орта салмақта IBO чемпиондық белбеуіне таласады. Сондай-ақ Иван Дычко, Дәурен Елеусінов, Жанқош Тұраров сынды боксшыларымыз да бақ сынайды. Одан өзге алғаш рет 55,3 кило салмақта отандастарымыз Ержан Залилов пен Искандер Харсан Қазақстан чемпионы белбеуі үшін жұдырықтасады.