Футболдан Еуропаның басты бәсекесі саналатын Чемпиондар лигасының жеребесі тартылды. Негізгі кезеңге шыққан 32 команда 8 топқа бөлінді.
Монакода өткен жеребе тастау рәсіміне құрметті қонақ ретінде танымал футболшылар италиялық Франческо Тотти мен украиналық Андрей Шевченко қатысты. Сондай-ақ өткен маусымдағы Чемпиондар лигасының үздік ойыншылары марапатталды.
Жеребе қорытындысы:
«А» тобы: "Бенфика" (Португалия), "Манчестер Юнайтед" (Англия), "Базель" (Швейцария), ЦСКА Москва (Ресей);
«B» тобы: "Бавария" (Германия), ПСЖ (Франция), "Андерлехт" (Бельгия), "Селтик" (Шотландия).
«С» тобы: "Челси" (Англия), "Атлетико" Мадрид (Испания), "Рома" (Италия), "Карабах" (Әзірбайжан);
«D» тобы: "Ювентус" (Италия), "Барселона" (Испания), "Олимпиакос" Пирей (Грекия), "Спортинг" Лиссабон (Португалия);
«E» тобы: "Спартак" Мәскеу (Ресей), "Севилья" (Испания), "Ливерпуль" (Англия), "Марибор" (Словения);
«F» тобы: "Шахтер" Донецк (Украина), "Манчестер Сити" (Англия), "Наполи" (Италия), "Фейеноорд" (Нидерланд);
«G» тобы: "Монако" (Франция), "Порту" (Португалия), "Бешикташ" (Түркия), "РБ-Лейпциг" (Германия);
«H» тобы: "Реал" Мадрид (Испания), "Боруссия" Дортмунд (Германия), "Тоттенхэм" (Англия), АПОЭЛ (Кипр).