Қазақстанның бірінші ракеткасы Юлия Путинцева Франция ашық біріншілігінің («Rolland Garros») үшінші кезеңіне шықты. Ол екінші кезеңде танымал неміс теннисшісі Андреа Петковичті жеңді.
БӨЛІСУ
21 жастағы қазақстандық теннисші WTA рейтингінің 28-ші сатысында келе жатқан қарсыласын екі сетте де 6:2 есебімен ұтты. Ал өзара кездесулер саны бойынша да 2:1 есебімен алға шықты.
Юлия Путинцева үшінші кезеңде италиялық теннисші Карин Кнаппен ойнайды. Ол WTA рейтингінің 118-ші сатысында тұрған теннисші. Юлия болса бұл рейтингте 60-орында келеді.