Еуропа лигасының плей-офф кезеңінде Алматының «Қайрат» клубына қарсылас атанған Францияның «Бордо» клубы ішкі біріншілігін сәтсіз бастады. Өз алаңында өткен ойында «Реймске» 1:2 есебімен есе жіберді.
БӨЛІСУ
Футболдан Франция бірінші лигасының бірінші тур ойындары кеше басталды. «Бордо» жаңа маусымдағы бірінші ойынын бүгін өткізді. «Шабан-Дельме» стадионындағы ойында алаң иелері бірінші болып есеп ашқанмен, жеңісті уысында ұстап қала алмады. 41 минутта Вахби Хазридің соққан голына 80 минутта Де Превиль жауап қатса, араға 7 минут сала Сибачо «Реймске» жеңіс сыйлаған голды соқты.
Айта кетейік, «Бордо» мен «Қайрат» арасындағы бірінші ойын 20 тамыз күні дәл осы «Шабан-Дельме» стадионында өтеді.