«Барселона» футбол клубының стадионы жаңаша аталуы мүмкін. Бұл туралы каталондықтардың қазіргі демеушісі "Qatar Airways" әуе компаниясының бас директоры Акбар Әл Бакер хабарлады.
Ол: «Біздің компания үшін мүмкін емес ештеңе жоқ, біз тосынсый жасаушылардың қатарынанбыз. Соның бірі «Камп Ноу» стадионына қатысты. Қазір клуб басшыларымен стадионның атын өзгерту мәселесі талқыланып жатыр», – деді.
“Qatar Airways” компаниясы каталондықтардың есебіне жылына 30 миллион евро құюда, алайда «Барса» басшылары бұл сомманы тағы да 20 миллион евроға өсіруді жоспарлап отыр.
Егер бұл келісім жүзеге асса, стадионның жаңа атауы «Камп Ноу Qatar Airways” аталуы әбден мүмкін.
Сурет: gigafootball.net
Оқи отырыңыз:
«Реал» стадионының атауы өзгерді
Катар елі әлем чемпионаты кезінде алкогольді ішімдіктер сататын болды
«Манчестер Юнайтед» стадионын тышқандар «жаулап» ала бастады