Қазақстандық аралас жекпе-жек шебері UFC-мен келісімшартқа отырды
Қазақстандық жеңіл салмақтағы жекпе-жек шебері Асу Алмабаев UFC ұйымымен келісімшартқа отырды, - деп хабарлайды Massaget.kz тілшісі Vestnik MMA Telegram-каналына сілтеме жасап.
Әзірше келісімнің егжей-тегжейі жарияланған жоқ. Сонымен қатар келісімшартқа қол қою туралы ресми ақпарат та әлі айтылмады.
Айта кетейік, Асу Алмабаев кәсіпқойлар арасындағы 19 жекпе-жектің 17-сінде жеңіске жетіп, екеуінде ғана жеңілген. Сондай-ақ ол Brave FC промоушенінде төрт жекпе-жек өткізген және төрт жекпе-жекте де жеңіске жеткен.
Алмабаев кейінгі жекпе-жегінде филиппин Кеннет Маннингатты уақытынан бұрын жеңді. Жекпе-жек 2022 жылғы қарашада Индонезияның Бали қаласында Brave CF 66 турнирінде өтті.
Спорт эмоцияларының бас демеушісі 1XBET компаниясы "Чемпионға арналған пәтер" тамаша акциясын жариялайды. 1XBET компаниясымен бірге чемпион бол да, Алматының орталығындағы жап-жаңа пәтердің кілтін ал!
