Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Мәңгілік ел / Түп тамыр / Қазақ хандығы - 550 жыл / Ақберен / Қазақ халқының қаһары мен әскери айбыны бір музейде көрініс тапты

Қазақ халқының қаһары мен әскери айбыны бір музейде көрініс тапты

Қазақ халқының қаһары мен әскери айбыны бір музейде көрініс тапты

Сонау сақ дәуіріндегі тайпаларды аң-құстан қорғаған қару-жарақ, Түрік қағанаты батырларының сауыт-саймандары, Алтын орда жауынгерлерінің найза-садақтары, Отан соғысы майдангерлерінің пулеметтері және бейбіт күн сарбаздарының әскери жабдықтары.

Сан ғасырлар бойы ер-азаматтардың қорғаны болып келген құралдар бүгінде бір мұражайда сақталады. Қазақ халқының тасқынды айбыны мен айбары, алпауыт күші мен қаһары енді бейбіт күн ұрпақтарының көз алдында болмақ. Әскери-тарихи музейде жауынгер халықтың талай ұрыстарына куә болған тастан қола, темірден жасалған найза, айбалта, сауыт, қалқандары, білекті жауынгерлерге мәртебелі сый ретінде берілетін семсерлері сақталған. 1643 жылғы Орбұлақ шайқасында қазақ жерінде алғаш қолданылған мылтықтардың сан үлгісінен бастап, Ұлы Отан соғысында жеңісті жақындатқан Бауыржан Момышұлы, Қасым Қайсенов, Әлия мен Мәншүктің қолдарының ізі қалған пулемет, миномет, гранаталарға дейін бар. Ал музейге әкелінбей қалған жәдігерлер голограммаларда бейнеленген.

Жазира Жекібаева, ҚР Қарулы Күштерінің әскери-тарихи музейі ғылым бөлімінің басшысы: - Бізде жоқ жәдігерлерді голограммалар арқылы көрсетеміз. Ол – Сұлтанмахмұт Жәнібек ханның дулығасы. Ол америкалық музей метрополитенде тұр.

Небары 3 ай ішінде ретке келтіріліп, жабдықталған музейде ұзын саны 5000-нан астам жәдігер қойылыпты. Оның ішінде 27 мемлекеттің туында бейнеленген Калашников автоматы мен соғыс кезінде әр дивизия алдына ұстап, жауға беттеген туларының түпнұсқалары әркімді елең еткізеді. Сол сындарлы кезеңнің көзіне айналған дүниелерді соғыс ардагерлерінің ұрпақтары әлі де әкеліп жатқан көрінеді.

Алуа Байқадамова, Кеңес Одағының батыры Иван Панфиловтың немересі: - Мұндай музей ашылатынын естігенде мен талай жыл сақтаған атамның заттарын алып, бірден ұшып келдім. Мынау оның жеке кітапханасында сақталған кітабы, партбилетінің қабықшасы мен сағаты. Одан соң 28 панфиловшылардың 2 жауынгеріне берілген мақтау қағаздарының түпнұсқалары бар. Ал ең сирек зат – ол сыртына «менің сүйікті апам Валюша Ивановна Панфиловаға Бауыржан Момышұлынан» деген жазуы бар сурет. Бұл Бауыржан Момышұлы менің атамды ұстаз ғана емес, әкесі деп санағанын білдіреді.

Қазақ халқының жауынгерлік рухы мен қайсарлығын мұражайға кірген бетте байқауға болады. Залдың қақ ортасында Мәңгілік елдің нышаны орналасқан, ал оны жан-жағынан көне заманда елді қорғаған батыр бабалардың нар тұлғалары қоршап тұр. Осылайша білекті бабалардың күшіне масаттанып шыққан меймандар үшін музейде күтпеген тағы бір сый дайындалған. Арнайы кең залда Қорғаныс министрлігінің Орталық оркестрі мен Орталық ансамблі сан алуан аспаптарда әскери әуендер орындап, рухты асқақтатып, көңілді жігерлендіріп жібереді.

Дереккөз: 24.kz

Дайындаған: Ербол Жұмабайұлы
Фото: kazgazeta.kz
Қосылған күні: 03 желтоқсан 2015, 23:58

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.