Абайдың ән өнері жайлы айтқандары

Абайдың ән өнері жайлы айтқандары
Фото: semeylib.kz

Халқымыз ән өнерін жоғары бағалаған. Абай Құнанбайұлының да әнге құмар болғаны сондықтан. Ендеше ақынның ән өнері жайлы айтқанына "құлақ түрейік".  

***

Құлақтан кіріп бойды алар,

Әсем ән мен тәтті күй,

Көңілге түрлі ой салар.

Әнді сүйсең, менше сүй.

***

Ұйықтап жатқан жүректі ән оятар,

Оның тәтті оралған мәні оятар.

Кейі зауық, кейі мұң дертін қозғап,

Жас балаша көңілді жақсы уатар.

***

Өлең – сөздің патшасы, сөз сарасы,

Қиыннан қиыстырар ер данасы.

***

Туғанда дүние есігін ашады өлең,

Өлеңмен жер қойнына кірер денең.

***

Шырқап, қалқып, сорғалап, тамылжиды,

Жүрек тербеп, оятар баста миды.

Бұл дүниенің ләззәті бәрі сонда,

Ойсыз құлақ ала алмас ондай сыйды.

***

Әннің де естісі бар, есері бар.

Тыңдаушының құлағын кесері бар.

***

Жақсы әнді тыңдасаң ой көзіңмен,

Өмір сәуле көрсетер судай тынық.

***

Салған ән көлеңкесі сол көңілдің.

***

Мұңмен шыққан, оралған тәтті күйге,

Жылы жүрек қайда бар қозғаларлық.

Қ. Слямбек