Мақал - сөздің мәйегі. Бір ауыз сөздің бойында сан ғасыр бойы жинаған халықтың ілімі жатыр. Халқымыз денсаулық жайлы не дегенін білу үшін тақырып аясында мақал-мәтелдер ұсынып отырмыз.
Денсаулық зор байлық
***
Тазалық – саулық негізі.
***
Бірінші байлық – денсаулық,
Екінші байлық – ақ жаулық,
Үшінші байлық – он саулық.
***
Басы аманның мал түгел
***
Аурдың алдын ал.
***
Демі бардың емі бар.
***
Жаман ауруға жақсы ас.
***
Көзің ауырса, қолыңды тый,
Ішің ауырса, тамағыңды тый.
***
Көкірек ауру күле кетер.
***
Тұмау аяғы құрт
Тұман аяғы жұт
***
Ауру аздырады
Суық тоңдырады
***
Ауру кісі күлкі сүймес,
Ауыр жүкті жылқы сүймес.
***
Ауру батпан кіріп,
Мысқылдап шығады.
***
Ауру астан,
Дау қарындастан.
***
Дауды елемеген төлейді,
Ауруды елемеген өледі.
***
Іздеп алған аурудың емі табылмас.
***
Айналдырған ауру алмай қоймас,
Бұлттанған күн жаумай қоймас.
***
Сіңбес астың бөгеуі көп.
***
Шықпаған жаннан үміт ет.
***
Жанымды алмаған ауру,
Жанымның садағасы.
***
Олақтан салақ жаман.
***
Шірік шірітеді,
Бұзық бүлдіреді.
***
Шірікке шыбын айналар.
***
Жасыңда салық болсаң,
Бара-бара былық боларсың.
***
Ас – елдің құты.
***
Әлсіз денеге ауру ұялайды.
***
Тамақтан өткенне бәрі тамақ.
***
Көже деген тоқ ас,
Тұра келсең жоқ ас.
***
Айран ішсең ас болады.
***
Ас астың орны басқа.
***
Ескі сөз жаңа сөздің қазығы.
***
Сергіктік сенімі нық.
***
Шымырдың сезімі сергек.
***
Тазалық - денсаулық кепілі.
***
Таза ауа - жанға дауа.
***
Таңертеңгі асты тастама,
Кешкі асқа қарама.
***
Екі ауру бір келсе,
Ажалыңның жеткені.
***
Байлық - байлық емес, денсаулық - байлық.