Бес жасар қыз кітап жазып, әлемдік рекорд орнатты

Бес жасар қыз кітап жазып, әлемдік рекорд орнатты
Фото: guinnessworldrecords.com

Бес жасар қыз кітап жазып, әлемдік рекорд орнатты, - деп хабарлайды lenta.ru

UPI басылымының мәліметінше, ұлыбританиялық Белла Джей Дарк бес жасында кітап шығарған. Ол осылайша, әлемдік рекорд орнатқан. Өйткені ол қыздар арасынан өз туындысын шығарып, оны мыңнан аса данамен сатқан ең жасы болған. Бұл көрсеткіш - рекорд ретінде тіркеудің басты шарты.

Кішкентай қыз кітаптағы оқиғаны өз бетінше ойлап тауып қана қоймай, "Жоғалған мысық" деп аталатын кітабына арнап суреттер салған.

"Күйеуім екеуміз оны қатты мақтан тұтамыз. Бұл - жоғалған мысық туралы және оның анасыз жүруге болмайтынын түсінгені туралы оқиға. Менің ойымша, оның мағынасы жақсы", - деді қыздың анасы Челси Сайм.

Ж. Қадыржанова