ДДҰ: коронавирустық пандемия тек екі жылға ғана созылуы мүмкін

ДДҰ: коронавирустық пандемия тек екі жылға ғана созылуы мүмкін
Фото: who.int

Дүниежүзілік денсаулық сақтау ұйымының бас директоры Тедрос Адханом Гебрейесус коронавирус пандемиясының 1918 жылғы испан тұмауының эпидемиясымен салыстырып, оған қарағанда жағдайдың жақсы болатынына үміт білдірді.

"Қазір әлем барынша тығыз қарым-қатынаста, сондықтан инфекция жұқтыру қаупі басым. Бірақ қазіргі ситуация 1918 жылғы індетке қарағанда жақсы деуге болады, себебі бізде озық технология бар. Біз вирусты шамамен екі жылдан кейін толық жеңеміз деп сенеміз", - деді Гебрейесус.

Worldometer статистика сайтының мәліметінше, қазір әлемде 23 миллион адамнан инфекция анықталған, 802 мыңнан астам адам қайтыс болған. 15,6 миллионнан астам адам жазылып шыққан.

Massaget