Нұр-Сұлтанда қандай дәріханаларда бетперделер мен антисептикалық құралдар сатып алуға болады?

Елорданың дәріханаларында медициналық бетперделер мен антисептикалық құралдарға деген сұраныс айтарлықтай төмендеді, деп хабарлайды Нұр-Сұлтан қаласы әкімдігінің ресми сайты.

Бетперделер мен антисептикалық құралдар қаланың дәріханаларына уақытында жеткізілгендіктен, сауда орындарында ұзын-сонар кезек байқалмайды.  

«Бетперделер, қолғаптар, антисептикалық құралдар жеткілікті. Біздің дәріхана бұрынғы кестеге сәйкес жұмыс істеуде. Ұзын-сонар кезек жоқ. Барлық тауарлар бізге уақытында жеткізіледі»,  – дейді елорда дәріханалары қызметкерлерінің бірі Динара Аманбаева.

Нұр-Сұлтан қаласы тұрғындарының айтуына қарағанда, бетперделер мен антисептикалық құралдарды олар еш қиындықсыз үйлерінің жанындағы дәріханалардан сатып алуда.

«Бетперделерді мен үйдің жанынан 70 теңгеге сатып алдым. Тапшылық, ұзын-сонар кезек жоқ. Бетперделер де, антисептикалық құралдар да, қолғаптар да сатылымда», – деді елорда тұрғыны Алтыншаш.

«Мен бетперделерді сатып алу үшін келдім. Барлығы сатылымда. Кезек те жоқ. Жағдай бір қалыпты. Дәріханалардың алып сатарлық ниеті жоқ. Бағалар да көтерілмеген», – деді сауалнама сұрақтарына жауап берген тағы да бір қала тұрғыны Қанат.

Бұдан бұрын бетперделерді мына мекен жайлар бойынша кезексіз сатып алуға болатындығы хабарланды: Тұран даңғылы, 37; Достық көшесі, 18; Сарыарқа даңғылы, 3; Қонаев көшесі, 14/2; Ахмет Байтұрсынұлы көшесі, 3; Қабанбай батыр даңғылы, 21; № 90 дәріхана, Момышұлы даңғылы, 16; Тәуелсіздік даңғылы, 21/4; Шәймерден Қосшығұлұлы, 3/1; Мәңгілік ел даңғылы, 19; Сарайшық көшесі, 5; Қаныш Сәтбаев көшесі, 23/1; Жансүгірұлы көшесі, 8/1; Мәңгілік ел даңғылы, 53; проспект Мангилик Ел, 35; Ұлы Дала даңғылы, 6/1; Бараев көшесі, 21; Сауран көшесі, 3/1; №276 дәріхана, Рысқұлбеков көшесі, 16/3; Кеңесары көшесі, 47; Иманбаева көшесі, 8; Жанайдар Жирентаев көшесі, 2; №280 дәріхана, Мәлік Ғабдуллин көшесі, 16; Сығанақ көшесі, 15; Иманов көшесі, 50; №62 дәріхана ПТ, Алаш, 23/1; Тұран даңғылы, 55; Тәуелсіздік даңғылы, 32.