Тележүргізуші коронавирус туралы хабарда көз жасына ерік берді

Тележүргізуші коронавирус туралы хабарда көз жасына ерік берді
Фото: censury.net

Америкалық тележүргізуші Хода Котб америкалық футбол жұлдызы Дрю Бризпен сұқбат кезінде әсерленіп көзіне жас алды.

Америкалық футбол жұлдызы Луизина штатына коронавирус пандемиясы және оның салдарымен күресу үшін адамдарға 5 миллион доллар қайрымдылық жасаған.

Тележүргізуші споршыға бұл жомарттығы үшін алғыс білдіріп, оның қайрымдылығы басқаларға да үлгі болатынын айтқан.

"Дрю, біз сені жақсы көреміз!" деп көз жасына ерік берген тележүргізуші көрермендерден кешірім сұраған.

Дрю Бриз. ©sport-express.ru

Айта кетейік, Дрю Бриз 1979 жылы 15 қаңтарда туған. Нью-Орлеан Сейнтс Ұлттық Футбол Лигасының клубында жартылай қорғаушы болған америкалық кәсіби спортшы. Ол америкалық футболдағы бірнеше рекордтар мен сыйлықтардың иегері. Дрю Бризті Sports Illustrated журналы 2010 жылы "Жыл спортшысы" деп атаған.

Т. Раушанұлы