Ержан Максим "Junior Eurovision 2019" байқауына қатысады

Ержан Максим "Junior Eurovision 2019" байқауына қатысады
Фото: diapazon.kz

Жас әнші Ержан Максим 24 қарашада Польшаның Гливице қаласында өтетін "Junior Eurovision 2019" байқауына Қазақстан атынан қатысады. Бұл туралы Ақпарат және қоғамдық даму министрі Дәурен Абаев хабарлады. 

"Хабар" Агенттігінің Еуропалық хабар тарату Одағындағы мүшелігінің нәтижесінде, Қазақстан өкілінің осы байқауға қатысу туралы берген өтініші қабылданғанын айта кету керек. Биылғы байқауда біздің елдің намысын дарынды баламыз Ержан Максим қорғайды. Қазақстан балалар Евровидениесіне биыл екінші рет қатысқалы отыр. Өткен жылы Минск қаласындағы байқауда жерлесіміз Данэлия Тулешова өнер көрсеткен еді", - деді Дәурен Абаев Facebook желісіндегі парақшасында

Еске салайық, Ержан Максим биыл ресейлік "Голос. Дети" жобасының жеңімпазы атанған болатын.

Massaget