Кәсіпкерлердің қатысуымен «Тауар белгілерін қорғау» тақырыбында акция өткізілді

Кәсіпкерлердің қатысуымен «Тауар белгілерін қорғау» тақырыбында акция өткізілді
Фото: adilet.gov.kz

6 жылдың қазан айының 13 жұлдызында Алматы облысы Әділет департаменті Зияткерлік меншік құқықтары бөлімінің ұйымдастыруымен (бөлім басшысы А.Айнакулов) кәсіпкерлерге және азаматтарға құқықтық көмек көрсету мақсатында Қазақстан Республикасының «Тауар таңбалары, қызмет көрсету таңбалары және тауар шығарылған жерлердің атаулары» Занының және ҚР ӘҚБК 158 бабы бойынша ақпараттық түсіндіру акциясы өткізілді.  Бұл туралы ҚР Әділет министрлігінің баспасөз қызметі хабарлады.

Аталған іс-шара бұқаралық ақпарат құралдары өкілдерінің қатысуымен өтті. Акцияға қатысқан 50-ден астам адамға азаматтардың зияткерлік меншікке құқығы туралы түсіндірулер жазылған жадынамалар таратылды.

Сонымен қатар, акция барысында «Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» Қазақстан Республикасының Заң жобасының негізгі ережелері бойынша Әділет министрлігімен әзірленген ақпараттық кітапшалар таратылды.
T. Кіршібаев