Үш жасар бүлдіршін жүкті анасын құтқарды

Үш жасар бүлдіршін жүкті анасын құтқарды
Фото: ya-roditel

Англияның Бристоль қаласында үш жасар қыз жүкті анасы мен бауырын құтқарып қалды, − деп хабарлайды "24.kz" телеарнасы.

Шешесі абайсызда басқыштан еденге оңбай құлап, есінен танып қалғанда бүлдіршін төтенше жағдайлар қызметінің 999 телефон нөмірін теріп, "анам баспалдақтан құлады, ішінде Джордж бар" деп хабарлаған. Осы оқиғадан кейін Эмманың анасы сәбиін 7 айлығында туыпты. Дәрігерлер қазір ақылды қыздың арқасында екеуінің де жағдайы бірқалыпты екенін айтып, сүйсініп отыр.

Төтенше жағдайлар қызметінің операторлары бүлдіршіннің ақылдылығын айтып, таңғалғанын жасырмады. "Жасына қарамастан, салмақты сөйледі. Үлкен балалардың өзі мұндай жағдайда қобалжып тұрады. Балақайдың жасы бар болғаны 3-те болса да, ақылды қадамға барғаны қызық", − дейді олар.

Дереккөз: tengrinews

С. Ерсін