Назарбаев Қытайдағы мерекелік шеруге қатысты

Фото: tn.kz

03 қыркүйек 2015, 10:50

Қытай астанасы Бейжіңде милитаристік Жапонияға қарсы соғыстағы Жеңістің 70 жылдығына орай мерекелік шеру өтіп жатыр, - деп хабарлайды Tengrinews.kz тілшісі.

Нұрсұлтан Назарбаевпен және Си Цзиньпиньмен бірге шеруді Владимир Путин, Алмазбек Атамбаев, Александр Лукашенко, Ислам Кәрімов және өзге де елдердің Қытайға келген басшылары қатысып отыр. Қытай басшысы әрбір президентті жеке-жеке шығарып салып, шеру көретін орынға жайғастырды.

Tengrinews TV трансляциясының кадры

Айта кетейік, мерекелік шеруге Қазақстан Республикасының Қарулы күштерінің Аэромобильді жасағының құрметті қарауылының ротасынан 76 адам қатысып отыр. Шараға әлемнің 17 елінің әскері қатысып жатыр. Осыған дейін Нұрсұлтан Назарбаев қытай халқын екі бірдей атаулы оқиғамен құттықтап үлгерген еді. "Сізді және бүкіл қытай халқын екі бірдей атаулы оқиға - қытай халқының жапон милитаризміне қарсы соғыстағы Жеңісінің 70 жылдығымен және Бейжіңнің қысқы Олимпиада ойындарын өткізуге таңдалуымен құттықтаймын", - деді Назарбаев.

М. Бисембаева

Қызықтырған сұрақтар:

Тəрбиенің жалпы заңдылықтары мен принциптері. Реферат

Арасан деген не?

Қайынсіңліге туған күнге тілек