Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Экс-бас редакторы

Материал жіберу БЛОГ ЖАЗУ
Негізгі / Мәңгілік ел / Беткеұстар / «BalaTurkvizyon» байқауының Алматы облысындағы жартылай финалисі анықталды

«BalaTurkvizyon» байқауының Алматы облысындағы жартылай финалисі анықталды

«BalaTurkvizyon» байқауының Алматы облысындағы жартылай финалисі анықталды

«BalaTurkvizyon» Халықаралық балалар әні байқауының Алматы облысы бойынша жартылай финалисі анықталды, - деп хабарлайды Massaget.kz тілшісі байқауды ұйымдастырушылардың баспасөз қазметіне сілтеме жасап. 

Әлия Назарбаеваның «Жандану әлемі» қорының жобасы «Bala Turkvizyon-Қазақстан» халықаралық балалар әні байқауының соңғы Ұлттық іріктеу кезеңі Алматы облысында өз мәресіне жетті. Бұл қор әлеуметтік, білім, мәдениет саласындағы жобалар арқылы қазақстандық жастардың шығармашылық дамуына қолдау көрсетуде.

Он алтыншы аймақтық іріктеу Талдықорған қаласында өтті. Алматы облысының 100-ден аса өнерпазы Жетісудың орталығына облыс намысын республикалық байқаудың финалында қорғау үшін арнайы келді. Ресми тіркелуден кейін қатысушылар байқаудың телевизиялық күнделіктерінің жүргізушілері Аида мен Ержанды «Bala Turkvizyon-Қазақстан» байқауының автобусында қарсы алды. Содан кейін әртүрлі ойын, флешмоб, би және фотосессия болса, бір өнерпаздар пазлдар арқылы байқау логотипін құрады. Сол сәтте «Мен Жұлдыз» вокалдық студиясының өнерпаздары көшеде ән салып дайындалып, көшеде жүрген халықтың көңілін көтерді. Олар жетекшілері Серікжамал Әжібековамен келіп, ең көп құраммен келген топтар қатарында болды.

«Біз «Bala Turkvizyon» байқауы туралы естігеннен кейін, жаз бойы дайындалдық. Біздің студияны жөндеу жұмыстарына байланысты, жазда жапқан еді. Сондықтан дайындалуға күнде саябаққа бардық, өте көңілді болды. Балалар үлкен әсер алды. Байқау өз жалғасын тауып, қазақстандық өнерпаздардың бағын аша берсін», - деді қатысушылардың бірі.

Музыкалық студияда қырық бес оқушы бар. Вокалдан бөлек хореография, актерлік шеберлікпен де айналысады. Олар бүгін «жұлдызды тәлімгерлер» алдында барынша өз өнерлерін көрсете білді.

Он екі жастағы Нұрбек Нұрым Ұзынағаш ауылынан «Ұзынағаш» өнер мектебінде бірге тәлім алатын жерлестерімен бірге келді. Ол эстрада-вокал сыныбында және фортепианода ойнауды кәсіби түрде үйренуде. Жол көрсететін жетекшісі - Қыдырбек Әкімжанов. Байқауға өнерпаз Сәкен Майғазиевтің орындауындағы «Асыл ана» әні мен «Саната Лючия» ариясын дайындап келіпті.

«Біз байқауға 250 км қашықтықты артқа тастап келдік. Бекер келген жоқпыз. Біздің шәкірттеріміз өнер адамдарымен танысып, телевизиялық түсірілімдерге түсіп, өз өнерлерін көрсетті. Олар өте қуанышты. Ұйымдастырушылар алқасының балаларға жасаған осындай үлкен сыйына алғыс айтамыз», - дейді жетекшісі.

Үлкен сахнада танымал болуды іріктеуге келген әр бала армандайды. Құлшыныстан бөлек, жетістікке жету үшін: вокалдық шеберлік, сахнада өзін-өзі ұстай білу, харизма керек. Дәл осындай баланы қазылар алқасының мүшелері – әнші Марсель Альсеитов, ҚР Еңбек сіңірген әртісі, әнші, композитор Марат Омаров және JCS тобының мүшесі Абай Ракишев іздеді. Алматы облысы бойынша жартылай финал жеңімпазы болып Жаркент қаласының тұрғыны Ақжан Байзақ танылды. Ол 12 жаста. Көпбалалы отбасының көптен күткен және кенже балалары. Баланың анасы Айжан Байзақтың айтуынша, ұлы үш жасынан бастап ән сала бастаған және алғаш орындаған әндері де сөздері күрделі халық әндері болған екен. «Негізінде, Ақжанның өжет мінезі мен қайсарлығының, шапшаңдығының арқасында армандары орындалуда. Музыкалық білімі жоқ болса да, көптеген байқаудың жеңімпазы атанып үлгерді», - дейді анасы. Ол қалалық мерекелер мен концерттердің тұрақты қонағы десек те болады. Әннен бөлек, Ақжан спортпен де айналысады: грек-рим күресі мен суға секіру дегендей. «Жаттықтуырушысы да баланың спортта жетістіктерінің жақсы екенін айтып, вокалға дайындыққа жібергісі келмейді», - дейді анасы. Ал Ақжанның айтуы бойынша, спортпен шұғылдану оның сахнада сымбатты көрінуіне септігін тигізеді екен. Ол Роза Рымбаева, Әли Оқапов, Серік Ибрагимовты үлгі тұтады. Жақында ол кларнет сыныбы бойынша музыка мектебінде оқуын жалғастырады.

Ақжан Байзақ 13 тамыз күні Алматыдағы «Жұлдызды үйге» Ұлттық іріктеудің финалына дайындалуға келеді. Ұлттық іріктеудің финалы Астана қаласында қыркүйектің 16-17 күндері өтеді. Аймақтық іріктеулер өз мәресіне жетті. Бірақ «Bala Turkvizyon-Қазақстан» жартылай финал жеңімпаздарын алда қызу дайындық және Түркияның Стамбул қаласында түркітілді 20 елдің арасында өтетін үлкен додада ел намысын қорғау мүмкіндігі күтуде.

Дайындаған: Қарлыға Бүйенбай
Фото: Adam Media Group
Қосылған күні: 10 тамыз 2015, 19:34

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.