Анардың пайдасы мен зияны: диетолог бұл жемісті кімге жеуге болмайтынын айтты

Анар – жұмсақ, жылы климаты бар аймақтарда өсетін оңтүстік жемісі. Көбінесе анар шырынын гемоглобин деңгейін, иммунитетті арттыру және ми жұмысын жақсарту үшін ішеді. Диетолог Гүлшат Сираева анардың пайдасы мен зиянын айтып берді.

Анардың денсаулыққа 6 пайдасы

Анарда дәрумендер, микроэлементтер, биологиялық белсенді компоненттер бар.

Анар ішек микрофлорасын, қандағы глюкозаның қалыпты деңгейін ұстап тұруға және мидың жұмысын ынталандыруға көмектеседі және ас қорытуды жақсартады.

25 г анарда шамамен 4-5 г жасұнық (қорытылмайтын өсімдік талшығы) бар. Талшықты қабылдау ішек микрофлорасын, қандағы глюкозаның қалыпты деңгейін ұстап тұруға және мидың жұмысын ынталандыруға көмектесетін белсенді ас қорыту үшін қажет., ұсынылатын тәуліктік қажеттілік 25 г дейін. Талшықты қабылдау ішек микрофлорасын, қандағы глюкозаның қалыпты деңгейін ұстап тұруға және мидың жұмысын ынталандыруға көмектесетін белсенді ас қорыту үшін қажет.

Анарда мыс бар. Мыс гемопоэз, қан тамырларының серпімділігін сақтау және оттегінің белсенді тасымалдануы үшін қажет. Мыс жүздеген биохимиялық процестерге, гормондардың бір бөлігін шығаруға да қажет.

100 г жемісте ағза бір тәулікте қажет ететін 15 пайыз К дәрумені бар. Ол қанның ұюын реттейтін ақуыздарды синтездеу үшін қажет. Сонымен қатар, дәрумен бұлшықеттердің жұмысына, дәнекер тіндерінің жаңаруына белсенді қатысады. К дәрумені кальцийді сіңіру үшін де маңызды.

Аскорбин қышқылы – анарда ағза қажет ететін 10 пайыз аскорбин қышқылы бар. С дәрумені тотығу-тотықсыздану процестерін реттеуге көмектеседі, жасушалардың қартаюын болдырмайды, теріні ылғалдандыруға және эпидемия кезінде суықтан қорғауды ынталандырады.

Анарда ағза қажет ететін 10 пайыз В9 дәрумені немесе фолий қышқылы бар. Бұл зат жаңа қан жасушаларының пайда болуын ынталандыруға көмектеседі, иммундық жүйені қолдайды және жүктілік кезінде ұрықты қорғайды.

Калий – 100 г анарда 10 пайыз калий бар. Бұл минерал жүректің, мидың жұмысына, дене бұлшықеттерінің белсенді жиырылуына, су-тұз алмасуын қолдауға және қан плазмасындағы қант деңгейін түзетуге қажет.

Тағы қандай пайдасы бар?

Анардың қабығы мен тұқымы да пайдалы. Қабықтың құрамында көп мөлшерде полифенолдар, таниндер және антиоксиданттар бар. Бұл косметологияда және дәстүрлі медицинада қолданылады. Анар дәндері талшықтарға, органикалық қышқылдарға, маңызды дәрумендерге және эфир майларына бай. Олар косметология мен өнеркәсіпте де белсенді қолданылады.

Анардың зияны

Жеміс бірыңғай пайдалы немесе түбегейлі зиян болмайды.  Анар да сондай. Оны шектен тыс тұтыну денсаулыққа зиян келтіруі, белгілі бір проблемаларды күшейтуі мүмкін.

Құрамында белсенді ингредиенттер, жеміс қышқылдары мен таниндер болғандықтан, оны мына жағдайда жемеу керек:

• ас қорыту патологияларының болуы – панкреатиттің, энтериттің, гастриттің өршуі;

• асқазанның немесе ішектің ойық жарасы болса;

• геморрой немесе іш қатуға бейімділік болса;

• тіс эмальының зақымдануы болса;

• анарға қарсы аллергиялық реакция болса.