"Зейнеткерлік – өмірдің жауы": 100 жастағы невропатолог ұзақ өмір сүрудің сырын ашты

"Зейнеткерлік – өмірдің жауы": 100 жастағы невропатолог ұзақ өмір сүрудің сырын ашты
Фото: today.com

Доктор Ховард Такер бұл кәсіппен 75 жылдан бері айналысады. Өткен жылы оның есімі Гиннестің рекордтар кітабына енгізілді. Оған әлемдегі ең қарт тәжірибелі дәрігер атағы берілді.

Журналистермен сұхбатында доктор Такер мәңгі өмір сүретінін әзілдейді. Бірақ бұл әзілде де шындық бар сияқты. Кем дегенде, дәрігер жүргізетін өмір салты оның жүз жылдықтар арасында рекорд орнатуға толық мүмкіндігі бар екенін көрсетеді.

Жұмысқа деген құштарлық

Говард Такер өмірінің 75 жылын неврологияға арнады. Және бұл оның күні бүгінге дейін сүйікті жұмысы екенін айтады. Кейінгі кездері ол науқастарды қабылдамаса да, студенттерге сабақ береді.

«Күн сайын мен жаңа нәрсе білемін. Мен ұзақ өмір сүрудің кілті – жұмысыңызға деген сүйіспеншілік екеніне сенімдімін», - дейді невропатолог. Зерттеушілер онымен келіседі. Harvard Health Publishing мәліметтері бойынша, жұмысқа қанағаттанушылық денсаулықтың жақсы болуымен және өмірдің ұзаруымен байланысты.

Зейнетке шығудан бас тарту

Адам күші толысып, жұмыс істейтін шағында зейнет жасын асыға күтеді, ал доктор Такер, керісінше, кәрілікке асықпау керек дейді.

«Зейнетақы – ұзақ өмір сүрудің жауы. Күн сайын миды ынталандыру керек. Кез келген жаста өзін тірі және энергияға толы сезіну адам ретінде сезіну қартаймаудың маңызды аспектілерінің бірі», - дейді дәрігер.

Зерттеушілер де зейнеткерлік жастан кейінгі әрбір қосымша жұмыс жылы өлім қаупін 9-11% төмендететінін анықтаған.

Армандарыңыз орындалып, оқуды жалғастырыңыз

АҚШ-тың Қартаю жөніндегі ұлттық институтының мәліметі бойынша, когнитивті жаттығу әдеттері Альцгеймер ауруының даму қаупін азайтады. Доктор Такер мұны анық біледі: 67 жасында ол жаңа мамандыққа ие болған. Дәрігер  Огайодағы адвокат мамандығына емтиханды сәтті тапсырған.

Невропатолог МРТ, КТ және басқа да компьютерлік технологиялар пайда болған кезде зейнеткерлікке шықпағанын мақтан етеді. Ол әріптестерінің компьютерді қалай пайдалануды үйренгісі келмейтінін көрген. Дәрігер жаңа технологиялармен қалай жұмыс істеу керек екенін біледі.

Салауатты өмір салтын ұстану

Такер ешқашан темекі шекпеген және спортпен айналысқан. Ол жүгіреді, жүзеді. Кейінгі уақытқа дейін шаңғы тебу оның хоббиі болған, Дәрігерлер ересектер бұлшық еттен зардап шекпеуі үшін спорт өте пайдалы дейді.

Өлім туралы ойлама 

Өлімді ойламау керек. Оптимисттердің өмір сүру ұзақтығы пессимистер мен реалисттерге қарағанда 11-15%-ға жоғары екен.

Отбасылық қарым-қатынас

Отбасы берік болуы керек дейді дәрігер Такер. Ол 65 жыл бұрын үйленген. Жұбайы Сара психиатр. Жасы – 89-да. Сара да зейнетке шыққанымен жұмыс істейді. Ерлі-зайыптылардың 4 баласы мен 10 немересі бар.

Бұл да ғылыммен расталған шындық. Ерлі-зайыптылар жалғыз өмір сүретін адамдарға қарағанда ұзағырақ өмір сүреді және дені сау болады екен.

Т. Раушанұлы