Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Жаднама / Махаббат шаршағаннан өледі, ал ұмыту оны жерлейді

Махаббат шаршағаннан өледі, ал ұмыту оны жерлейді

Махаббат шаршағаннан өледі, ал ұмыту оны жерлейді

Жан де Лабрюйер бір жолы айтқан ойларымен бөліскелі отырмыз:

* * *

Шынайы достықтарда жай адамдардың зейіні жетпейтін әсемдік жасырынып жатады.

* * *

Уақыт достықты берік етеді, ал махаббатты әлсіретеді. 

* * *

Махаббат пен достық бір-бірін жоққа шығарады.

* * *

Үлкен махаббатты басынан өткерген достықты менсінбейді; бірақ өзін достыққа толығымен жұмсаған жан махаббат туралы әлі ештеңе білмейді.

* * *

Махаббат махаббаттан басталады; тіпті, жалын атқан достықтың өзінен махаббатқа ұқсас болмашы бір нәрсе тууы мүмкін.

* * *

Біздің махаббат үшін құрған қарым-қатынастарымызды шынайы достықтан ажырату қиын.

* * *

Бәрінен қиыны - бір көргеннен тұтанған махаббатты емдеу.

* * *

Ақырын және біртіндеп пайда болатын махаббат лап етпе құмарлығы жоқ достыққа қатты ұқсайды.

* * *

Алғашқы рет қана шын сүйеміз; одан кейінгі әуестіктерімізде дәл солай беріле алмаймыз.

* * *

Адамдар махаббатта талапты қалай жоғары қойғанымен,  достарынан гөрі сүйіктілерінің кінәларына көп кешірім етеді. 

* * *

Біз күйіп-жанып, бірақ үмітсіз сүйген әйел кейін бізге бір қызмет көрсетсе, бұл қызмет кіші ме, әлде үлкен бе, бәрібір, - бір рақметі жоқтықтың күнәсін мойнымызға оп-оңай аламыз.

* * *

Біз достарымызға құпияларымызды өзіміз қуана-қуана ашамыз; сүйіктілерімізден оны жасыра алмаймыз.

Біреуге өз сенімімізді сыйлау - жүрегіңді сыйлау дегенді білдірмейді; басқа адамның жүрегін жаулап алған адам оның сырын да, сенімін де қажет етпейді: оған оларсыз-ақ бәрі ашық. 

* * *

Достарымыздан біз оларға зиян келтіруі мүмкін кемшіліктерді, ал сүйіктілерімізден өзіміз қасірет шегетін кемшіліктерді байқаймыз.

* * *

Біз сүймей тұра алмайтындығымыз секілді, махаббатты да мәңгілік сақтай алмаймыз. 

* * *

Махаббат шаршағаннан өледі, ал ұмыту оны жерлейді. 

* * *

Махаббат туғанда да, сөнгенде де адамдар екеуден-екеу қалып, қысылу сезімін басынан өткереді. 

* * *

Біреуді ұмытуға тырысу - яғни оны өне бойы естен шығармау. Махаббаттың ар-ұждан азабымен ұқсастығы - ойлар мен естеліктердің тек оны бекіте түсуінде.  Өзіңнің құмарлық сезіміңді басу үшін ол туралы ойламауға тырысқан жөн. 

* * *

Біз сүйіктіміздің барлық қуанышының бастау көзі болғымыз келеді, бұл мүмкін болмаса, оның барлық бақытсыздығының көзіне айналсақ дейміз. 

* * *

Жаңа ғана көмектескен адамыңның көзімен түйісіп қалу жаныңа майдай жағады. 

* * *

Білмеймін, рақметі жоққа, яғни лайықсыз адамға жасалған көмекті қайырымдылық деп атауға бола ма және ол құрметке лайық па?

* * *

Жомарттықтың мәні қаншалықты көп бергеніңде ғана емес, қаншалықты уақытында бергеніңде де. 

* * *

Біреуге әбден риза болу қандай қиын!

* * *

Біз өзіміз жақсылық жасаған адамдарға елжірей қарап, өзіміз көп ренжіткен адамдарды иттің етінен жек көреміз. 

* * *

Бірнеше жыл өткен соң ренішті есте сақтау қалай қиын болса, бас кезінде оны ұмыту да сондай қиын.

* * *

Біз ынжықтығымыздан жауларымызды жеккөріп, олардан кек алғымыз келеді, ал өз-өзімізге келген соң жалқаулықтан кек туралы ұмытып та кетеміз. 

* * *

Біз жанымызды күнәдан құтқаратын кітапты оқимыз және ол бізге әсер етеді; біз басқа сүйіспеншілік оқиғалары туралы кітапты оқимыз, ол да бізді толғандырады; бірақ тек жүрек қана үйлеспейтін сезімдерді түсініп, татуластыра алады деп айтуға менің батылым жете ме?

* * *

Адамды басқалармен жақындасуға және оларға ұнамды болуға ақыл емес, жүрек көмектеседі.

* * *

Кейбір асыл сезімдеріміз бен кеңпейілді қылықтарымыз үшін біз ақылдан гөрі өзіміздің табиғи мейірбандығымызға қарыздармыз. 

* * *

Біз бір жерлерден өткенде басымызды иіп таң қаламыз; басқа жерлерден өткенде жүрегіміз елжірейді, осы жерде енді біздің тұрғымыз келеді.

* * *

Маған адамның ақылы, рухының көңіл-күйі, құмарлықтары, талғамдары мен сезімдері оның тұратын жеріне байланысты сияқты болып көрінеді. 

* * *

Кейде адамдар өздеріне не өлең жазуға, не махаббатты сезінуге рұқсат етпейді, бұл әлсіздіктер олардың ақылы мен жүрегіне көлеңке түсіретін сияқты. 

* * *

Өмір кейде біздің көптен күткен қуаныштарымызға, ең нәзік сезімдерімізге тыйым салады, бірақ біз оларға еркіндік берілгенін армандамай отыра алмаймыз. Бұл сезімдердің жолындағысының бәрін жайпап, адамды баурап алар құдіретіне ештеңе жетпейді - тек олармен осының бәрінен кісілік үшін ғана бас тарттық деген сана ғана теңдесе алады.

* * * 

Адамдар бірінші махаббатты танып біледі, сосын атаққұмарлық бойларын жайлайды, ал тыныштық оларға әдетте тек өліммен бірге келеді. 

* * *

Адамдар қылмысы үшін әлсіздігі мен әбігерлігіне ұялғандай ұялмайды; олар кейде шімірікпестен зорлық пен әділетсіздік жасайды, сатқындыққа барып, жала жабады, сөйте тұра махаббат пен атаққұмарлық армандарын, тіпті, өздеріне еш пайдасы болмаса да, жасырады. 

* * *

Бір адамдардың ризашылығын алу үшін қолымыздан келгеннің бәрін істесек, бірақ оған қол жеткізе алмасақ, бізде тағы бір амал қалады: енді ештеңе істемеу.

* * *

Адамдар арасында тек достық сезім мен құрмет жетегінде болған ғана ұнасымды; олардан көмек күтіп жүргенде кездесуді іздеу ауыр: бұл дегеніміз достыққа сұрану болып табылады. 

* * *

Адамға өзі үшін бір адал дос жеткілікті; оны іздеп тапқанның өзі - көп нәрсе. Егер басқаларға көмектесуге ниетің болса, қанша досың көп болса да аздық етеді. 

* * *

Достық сезімге ұнатпай қалудан гөрі жеккөру жуық.

* * *

Тек махаббаттағы бірінші көңіл қалудан және досыңның бірінші айыбынан біз пайдалы сабақ ала аламыз. 

* * *

Өзімізді бақытты сезіну үшін бізге сүйіктілерімізбен бірге болу жеткілікті: армандау, олармен әңгімелесу, үнсіздік сақтау, олар туралы ойлау - нені ойласаң, соны ойла - тек әйтеуір олармен ажыраспасақ болды; қалғаны не болса, о болсын. 

* * *

Махаббат тірі тұрғанда қуат-күшті өз-өзінен алады, ал кейді бір өзін өлтіруге тиіс сияқты болып көрінетін дүниелерден сусындайды: ерке-наздылықтан, қаталдықтан, суықтықтан, қызғаныштан. Махаббатқа қарама-қарсы достық күтімді қажет етеді: оған қамқорлық, сенім және кешірім керек, басқаша жағдайда ол солып қалады. 

Дайындаған: Әкежан Дәкен

Сурет: stihi.ru 

Дайындаған: Ла Лига
Қосылған күні: 03 ақпан 2014, 20:30

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.