Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Лайфстайл / Жаднама / Біздің кейбір кемістігіміз

Біздің кейбір кемістігіміз

Біздің кейбір кемістігіміз

Блез Паскальдың тамаша ой-жауһарларынан ұсынамыз:

* * *

Адамдарды кез келген нәрсеге үйретуі мүмкін, бірақ адалдыққа үйретпейді, бірақ соған қарамастан, олар ғылымдығымен емес,  тап сол өздерін ешқашан үйретпеген нәрсемен – адалдықпен көзге түсуге тырысады.

* * *

Қос шексіздік, орта. – Егер біз тым жылдам, не тым баяу оқитын болсақ, еш нәрсе түсінбейміз.

* * *

Біздің кейбір кемістігіміз  - өзгеден өніп шыққан өскін тәрізді: діңін шауып тастасаң болғаны, ағаштың бұтақтары сияқты түсіп қалады.

* * *

Адамға өтірік айтқаннан еш пайда болмай-ақ қойсын – бірақ бұл енді ол шындықты айтады деген сөз емес: өтірікті жай өтірік үшін ғана айтады.

* * *

Қарама-қайшылықтар. – Адам өз жаратылысына сай сенгіш, сенбейді, именшек, батыл.

* * *

Адамның сипаттамасы: тәуелділік, тәуелсіздікті аңсау, сансыз қажеттілік.

* * *

Адамның жай-күйі: тұрақсыздық, сағыныш, үрей.

* * *

Бізді кез келген болмашы нәрсе жұбатады, өйткені кез келген болмашы нәрсе бізді жабырқатады.

Егер біз көңіл көтерудің мәнеріне бойласақ, адамдардың барлық ісінің мағынасын түсінеміз.

* * *

Адам жүрегі бос қуыс және осы бос қуыстағы кір-қоқыс қаншама!

* * *

Біз соншалықты атаққұмармыз – жер бетін жайлаған барлық адамның барлығының арасында дерлік, тіпті біз бақилық болып кеткеннен кейін келетіндердің арасында да өз даңқымызды шығарғымыз келеді; біз соншалық бос әбігерге әуеспіз – өзімізге жақын бес-алты адамның арасындағы жақсы атымызға масайрап,  мәз боламыз.

* * *

Қарама-қайшылық: өз өміріне мән бермеу, болмашы нәрсе үшін өлімге дайын болу – өз өміріне деген өшпенділік.

Әбігерлердің әбігері. – Адамдар өз өмірінің бос әбігершілік екенін мүлдем түсінбей өмір сүретіні соншалық,  қадір-құрмет қуудың мағынасыз нәрсе екенін айтқанда аң-таң болып, толық түсінбеген қалып танытады. Бұл ғажап нәрсе емес пе!

* * *

Адамның болмашыға сезімталдығы, ал маңыздыны сезбейтіндігі – қандай қорқынышты!

* * *

Қаншама ел менің бар екендігімнен тіпті бейхабар!

* * *

Өзіңде болғанның барлығын уақыт алып кететінін сезінген қандай керемет!

* * *

Әділдік. – Әйел әшекейі сияқты, әділдік жайлы түсінік те сән ықпалына душар болған.

* * *

Адамның кісілігі туралы оның жекелеген ұмтылыстары бойынша емес, күнделікті істері бойынша бағалау керек.

Адам періште де, жануар да емес, оның бақытсыздығы сол – ол неғұрлым періште болуға ұмтылған сайын,  соғұрлым жануарға көбірек айнала бастайды.

* * *

Адам өзін екі тәлімгердің жәрдемі арқасында таниды: түйсік пен тәжірибе.

* * *

Адамның ұлылығы – өзінің түкке тұрмайтынын ұғынатындығымен ұлы. Ағаш өзінің түкке тұрмайтындығын сезінбейді...

* * *

Адамдар ессіз, мұның өзі жалпыға ортақ ереже – ессіз болмау ессіздіктің бір түрі болар еді.

* * *

Біз кемшіліктерімізді көрсетушілерге риза болуымыз керек, өйткені ол мойынсұнуға үйретеді және адамдардың біздің бойымызда жек көруге лайық деп табатын нәрселеріне көзімізді ашады.

* * *

Адам ізгі іс жасап жатқанына сенімді болғанда қаскөйлікті қандай жеңілдікпен әрі масаттана жасайды десеңізші!

* * *

Залымдарды өлтіре отырып зұлымдықты жою мүмкін бе? Бірақ бұл олардың санын көбейту ғой! 

Дайындаған: Әкежан Дәкен

сурет: liveinternet.ru; joyreactor.cc

Дайындаған: Ла Лига
Қосылған күні: 27 қаңтар 2014, 18:21

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.