Осы демалыста Алматыда не істеймін?

Осы демалыста Алматыда не істеймін?

Демалысты үйде өткізгенді қойып, серуендеп, қаланың мәдени өміріне қатысыңыз. Ал біз сізге қайда баруға болатындығын айтамыз.

Халықаралық "Бастау" кинофестивалі

Алматыда студенттерге арналған 3-ші Халықаралық "Бастау" кинофестивалі өтуде. Шара аясында Еуропа, Азия мен Америка елдерімен қатар қазақстандық жас режиссерлердің фильмдері ұсынылады. Биылғы кинофестиваль "Халықтардың этномәдениеті – ғасырларды байланыстырады" тақырыбында өтеді. Кинофестивальді "Бастау" киномектебі, Алматы қаласының Әкімшілігі, Т.Жүргенов атындағы Қазақ Ұлттық Өнер академиясы, «Кинокомпания Танарис Продакшн» ААҚ, Қазақстан Республикасының Білім және ғылым министрлігі, Түрік мәдениетінің халықаралық ұйымы, Ш. Айманов атындағы "Қазақфильм" АҚ ұйымдастырып, демеу көрсетуде.

Шара 16-20 қазан күндері "Цезарь" және "Арман" кинотеатрларында, Т.Жүргенов атындағы Қазақ Ұлттық Өнер академиясында өтеді.

Варшавалық пілдер циркі

13 қазаннан бастап 10 қарашаға дейін Алматы циркінде Варшавалық Пілдер Циркінің "Саванна сырлары" атты бағдарламасы өтеді. Бағдарламаға ат, түйе, кенгуру, тотықұс, қабылан, маймылдар өнер көрсетеді. Акробаттар, гимнасттар да қатысады. Әр қойылымда күлкілі сайқымазақ Гагик болады. Циркке билет бағасы 1500-5000 арасында.

"Қайрат" пен "Ордабасы" кездесуі


"Қайрат" футбол командасының осы маусымдағы үйдегі соңғы ойыны өтеді. Бұл матчта алматылық "Қайрат" шымкенттік "Ордабасымен" кездеседі. Ал Орталық Стадионға ертерек келгендер оның 55 жылдығына арналған мерекелік бағдарламасына қатыса алады. Ойын 19 қазанда сағат 19.00-де болады.

Отбасылық "Алма" фестивалі

20 қазанда Республика Сарайында өтетін "Алма" фестивалі отбасылық адамдарға бағытталған. Отбасылық уақытты өткізу мақсатында жасалған фестиваль аясында қолөнердің түрлері бойынша мастер-класстар мен сабақтар, көрмелер өтеді. Шара сағат 11.00-де басталады, кіру құны – 1500 тг.

Ал сіз осы демалысты қалай өткізесіз?

Дайындаған: Сания Аринова

Сурет: headline.kz, ethicso.blogspot.com

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Тұмаудан қалай сақтану керек?
Тұмаудан қалай сақтану керек?
Назарбаев университеті репетитор-студенттерге арналған қазақстандық жобаны қолдады
Назарбаев университеті репетитор-студенттерге арналған қазақстандық жобаны қолдады
2 мың жыл бұрын салынған мысықтың суреті табылды
2 мың жыл бұрын салынған мысықтың суреті табылды
2021 жылы оқушылар қашықтан оқи ма?
2021 жылы оқушылар қашықтан оқи ма?
Нұр-Сұлтанда футзалдан жаңа клуб құрылды
Нұр-Сұлтанда футзалдан жаңа клуб құрылды
ER-BATYR. Дәрігер Киреев коронавирустың екінші толқыны мен фармкомпаниялардың лоббиі туралы айтады
ER-BATYR. Дәрігер Киреев коронавирустың екінші толқыны мен фармкомпаниялардың лоббиі туралы айтады