Facebook әлеуметтік желісі лайктан бас тартуы мүмкін

Facebook әлеуметтік желісі лайктан бас тартуы мүмкін
Фото: Pixabay

Facebook әлеуметтік желісін жасаушылар лайктан бас тартуды қолға алды. Қазір лайксыз режим тестіден өтуде.

TechCrunch басылымының мәліметінше, Android платформасындағы Facebook қосымшалары лайксыз режимге көшіп жатыр. Сондай-ақ бұдан былай мессенджердің қолданушылары лайктың жалпы санын көре алмайды. Осы қадам арқылы Facebook қолданушыларын лайкқа тәуелділіктен арылтуға тырысып көрмек. 

Бұған дейін мұндай қадамға Instagram және Twitter желілері барған еді. Instagram-ның әзірлеушілері осындай жол арқылы қолданушылардың назарын негізгі контентке аудармақ. Себебі біреудің лайк саны біреудің көңіл-күйін бұзуы мүмкін. Бұл бәсекелестік психологиялық ауытқуға шалдықтырып та жатыр. Мұның әсерінен балалардың ой-санасы да улануда. Мұны ескерген компания өкілдері бұдан шығар жол таппақ.

Ал жақында ТМД елдерінде танымал ВКонтакте желісі де трендке ілесе түсті. 5 тамыз күні кейбір ВК қолданушылары лайктың өздігінен жоғалып кеткенін байқаған. Артынша компания өкілдері мұның жүйедегі қателік емес екенін, әдейі жасалған қадам деп түсіндірді.

А. Рысдәулет