Аяздың басылар түрі бар ма?

Аяздың басылар түрі бар ма?
Фото: baribar.kz

"Қазгидромет" РМК республиканың көптеген өңірінде жүріп жатқан қатты аяздың басылатынын хабарлады.

“29 қаңтардан 30 қаңтарға дейін аяз Солтүстік Қазақстан, Ақмола, Павлодар, Шығыс Қазақстан және Қарағанды облыстарында босаңсып, аптаның аяғында ауа температурасы -35-41 градустан -15-23 градусқа дейін, түнде -25-33 градустан -7-15°C дейін көтеріледі. Оңтүстік аймақтарда түнгі температура -21-35  градустан -5-13°C, күндіз -15 -2-ден -2 + 3°C дейін көтеріледі”, – делінген хабарламада.

19 қаңтарда синоптиктер орталық, солтүстік және шығыс облыстарда қатты аяз болатыны туралы дауылды ескерту жасаған болатын. Одан кейін қатты аяз еліміздің оңтүстік аумақтары Алматы, Жамбыл, Қызылорда және Оңтүстік Қазақстан облыстарына да жетіп, 29 қаңтарға дейін осы ауа-райына байланысты дауылды ескерту жарияланды.

Baribar.kz

А. Қажиев