Microsoft Surface Hub – 84-дюймді планшет

Microsoft Surface Hub – 84-дюймді планшет

21 қаңтар күні болған ресми кеште Microsoft компаниясы 84-дюймді Surface Hub планшетін таныстырып өтті. Ресми ақпаратқа орай гаджеттің 55-дюймді нұсқасы да шығарылады. Өнім көбіне кеңсе жұмыстарына арналған. Атап айтқанда топтық талқылау немесе видеомәжілістерде кеңінен қолданылатын болады.

Microsoft расымен өте үлкен планшетті таныстырған. Ол Windows 10 оперативті жүйесімен жұмыс істейді. Алып планшеттің өзге өнімдерден ерекшелігі оның интерфейсінде болып отыр. Осыған дейін Microsoft-тың бағдарламалық қамтулары мынадай үлкен экранға бейімделіп көрмеген болатын.

Ғаламтор ақпараттарына сүйенер болсақ, жаңа өнімнің екі камерасы бар. Расында өнім бизнес кездесулерге өте ұтымды болып, үлкен мәжілістерді өткізуге арналған. Оның көмегімен Skype арқылы видеосұхбат өткізуге де болады.

Планшет компанияның Perceptive Pixel жобасы аясында құрастырылған. Девайстың үлкен экраны 4К сапамен көрсете алады. Қазіргі кезде 12-дюймді планшеттерді үлкен деп саналса, Microsoft Surface Hub мектеп тақтасымен бірдей келеді.

Өнімнің жаппай сатылымға шығу уақыты мен бағасы әзірге белгісіз.

Сурет: www.windowscentral.com

Оқи отырыңыз:

HP компаниясы жаңа планшет жасап шығарды

Әлемдегі ең жұқа планшет таныстырылды

CES 2015. Балаларға арналған ең үлкен планшет таныстырылды

Apple әлемдегі ең үлкен планшет шығарады

Intel дербес компьютерге ұқсас планшет шығарды


ОҚИ ОТЫРЫҢЫЗ

Соңғы жаңалықтар