Google Constitute. Әлемнің 160 Конституциясы бір сайтта

Google Constitute. Әлемнің 160 Конституциясы бір сайтта

"Google" компаниясы Constitute деп аталатын жобаны іске қосты. Аталған жоба әлемдегі Конституцияларды топтастырған. 

«Конституциялар да қол астындағы халқы секілді дара болып келеді, - дейді компания өзінің ресми блогында, - Олар белгілі бір формада жылдар бойы қолданылып келеді. Әр жыл сайын шамамен 5 жаңа Конституция пайда болады, ал 20-30-ы қайта қаралады».

Ең «жас» Конституция – Африка елдерінде, 39 Конституцияның 19-ы 2000-жылдан соң жазылған екен. 

Google Constitute – тек барлық елдің сандық Конституциясы ғана емес, сонымен қатар, функционалдық мазмұндарын өзара салыстыруға мүмкіндік беретін сараптамалық құрал.

Мәселен, азаматтың салық төлеу міндеті 160 Конституцияның 73-інде, әскерде қызмет ету – 160-тың 98-інде, жұмыс істеу міндеті – 160-тың 41-інде (соның ішінде Жапония секілді дамыған мемлекетте) кездеседі екен. 

Конституцияларды көптеген белгілері (350 тақырып) бойынша, тіпті көлемі жағынан да салыстыруға болады. Мәселен, ең ұзақ Конституция – Үндістан елінде (146 385 сөз), ал ең қысқасы –Иорданияда (2270 сөз) екен. 

Дайындаған: Ерғали Елдос

Сурет: constituteproject.org