Nokia ұсынған 41 мегапиксельді камерасы бар Lumia 1020 смартфоны

Nokia ұсынған 41 мегапиксельді камерасы бар Lumia 1020 смартфоны

Nokia компаниясы кеше 11 шілде күні Нью-Йорк қаласында сужаңа Lumia 1020 смартфонын таныстырды. Аппараттың басты ерекшелігі - онда орналасқан 41 мегапиксельді камера болып отыр. 

Ресми Nokia хабарлағандай, фотоматрицаның аса жоғары сапасы сандық "зумның" барлық қасиеттерін толықтай пайдалануға мүмкіндік береді. Мысалы, қолданушы фотодағы объектіні барынша жақындатып, ондағы керекті жерін сапасын төмендетпей кесіп ала алады. 

Алайда Lumia 1020 смартфонында алдын-ала айтылған 41 емес, 38 мегапиксельді ғана камера бар болып шықты. Смартфонда "қос" режим аталатын арнайы қызмет түрі бар. Ол бойынша камера суреттерді 38 және 5 мегапиксельді екі нұсқада сақтай алады. Бірінші үлкен суретті өңдеуге де әбден болады. 

Nokia Lumia 920 камерасы түңгі мезгілде болатын әртүрлі "кедергілерден" сақтайтын оптикалық тұрақтандырғышпен жабдықталған. Оның объективі алты линза және ксенонды фотожарқыл сияқты элементтерден тұрады. Сондай-ақ смартфонмен 1080p мүмкіндіктегі видеоларды да түсіруге болады. 

Lumia 1020 смартфонында Pro Camera фотоқосымшасы да бар. Фотоларды түсіру мен оларды сақтау базалық қызметтерінен бөлек, онда камера баптауларын жасауға да болады. Оған фокустау аймағын таңдау мен оған диафрагмаларды беру сияқты қызмет түрлері және фоторедактор кіреді.  

Ал енді смартфонның өз қасиеттеріне келсек, онда оның бұрынғы Lumia 920 және Lumia 925 құрылғыларынан айтарлықтай айырмашылығы жоқ. Жаңа смартфон екі ядролы процессорге, екі гигабайтты оперативті және отыз екі гигабайтты ішкі жадтарына ие. Алайда онда microSD картасына орын қарастырылмаған. Экраны 4,5 дюймды және 1280 × 768 нүктелі AMOLED сапасында жасалған. Ал операциондық жүйе ретінде смартфон Windows Phone 8 базасын пайдаланады. 

Lumia 1020 смартфоны АҚШ нарығына осы айдың соңына қарай 299,99 доллар бағамен сатылымға шықса, ал ТМД елдеріне ол жылдың соңына қарай жол тартпақ.   

 

Дайындаған: Болат Қосмағамбет

сурет: news.com.au

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

5G жайлы 5 миф
5G жайлы 5 миф
Жалғас Жұмағұловтың UFC-дегі алғашқы жекпе-жегін қайдан көруге болады?
Жалғас Жұмағұловтың UFC-дегі алғашқы жекпе-жегін қайдан көруге болады?
Бауырдың қабынуы
Бауырдың қабынуы
Айдын Рахымбаев коронавирус жұқтырғандарды тегін емдейтін орталықтар ашпақ
Айдын Рахымбаев коронавирус жұқтырғандарды тегін емдейтін орталықтар ашпақ
Қоғам белсенділері тыныс алу аппаратын өңір-өңірге таратуда
Қоғам белсенділері тыныс алу аппаратын өңір-өңірге таратуда
iPhone 12-нің бағасы қанша?
iPhone 12-нің бағасы қанша?