АҚШ-тағы HRL зерттеу орталығы ең жеңіл металл ойлап тапты

АҚШ-тағы HRL зерттеу орталығы ең жеңіл металл ойлап тапты

Ұзақ жылдар бойы адам баласы жан-жағын танып біліп, табиғаттың байлығын барынша өңдеп өз керегіне жаратуда. Күн сайын ашылып жатқан жаңалықтардың маңыздылығы бір-бірінен асып түседі. Сондай мақсатпен АҚШ-дағы Ирвайн қаласының Калифорния университет ғалымдары қызмет жасайтын HRL зерттеу орталығы мен Калифорния институты біріге отырып әлемдегі ең жеңіл металды ойлап тапты. Оның тығыздығы таң қалдырады, небары 0,9 мг/cм3.

Бұл материалдың бар құпиясы – микроторлы шақпағында. 99,99 пайыз ауадан және 0,01 пайыз нанометрмен өлшенген тығыздықтан тұрады. HRL зертханасының зерттеушісі Тобиас Шедлердің хабарлауынша, шақпақтардың арасы адам шашынан 1000 есеге жіңішке түтіктермен жалғасқан. Тығыздығын төмендету мақсатымен олардың арасы ашылып жасалған, энергияны өте жоғары деңгейде сіңіреді.

HRL зертханасының ғылыми-зерттеу басшысы Вильям Картер бұл жаңалықты әйгілі Эйфель мұнарасының немесе Сан-Франциско қаласы мен оңтүстік Маринді бір-бірімен жалғап тұрған Алтын қақпаның салынуы секілді сәулет өнерінің туындыларымен салыстырады. Бұл екі туынды да өте жеңіл материалдардан жасалған, ал біздің ойлап тапқан дүниеміз солардың нано және микро түрлері ғана дейді.

Ирвайндағы Калифорния университетінің бас зерттеушісі авиакосмостық инженер-механик Лоренцо Вальдевит «Негізінде материал наномасштаб күйінде өте берік болады, бар болғаны микроторлы құрылымды жасау жолын тиімді пайдалансаңыз, алдыңызда кереметтей шақпақ материал пайда болады» деп түсіндірді. 

Қорғану агентігіне арнайы дайындалған бұл инновациялық металды болашақта батарейлік электродтарға, сонымен қатар акустикалық әрі электрлік әртүрлі энергияны толыққанды сіңіру үшін пайдалануға болады. 

Дайындаған: Қарлыға Бүйенбай

Сурет: billionnews.ru

Қ. Бүйенбай