Қытайда жүргізушісіз роботакси қызметін сынақтан өткізеді

WeRide стартабы Қытайдағы жүргізушісіз робототакси қызметін сынақтан өткізген алғашқы компания болады. Компания алғашқы сынағын Гуанчжоу көшелерінде бастады.

Гуанчжоу әкімшілігі WeRide-ке көліктерді қашықтықтан басқаруға рұқсат берді. Жаңа қызметтің алғашқы клиенттері оның мүмкіндіктерін сынап көре алады, бірақ қаланың кез келген жеріне бара алмайды, өйткені стартап қаланың белгілі бір бөлігіне ғана тапсырыс алады.

Тестілеу кезінде іске қосудың кейбір қауіпсіздік шараларын күшейтеді. Машиналар 5G желісін қолдана отырып басқару орталығына тұрақты қосылады. Мұнымен операторлар жолдағы жағдайды әр роботакси үшін қадағалап, оны кез келген уақытта бақылауға алады. Компания сонымен қатар жол жұмыстары немесе көшелердің жекелеген учаскелерінде жол қозғалысы ережелерінің уақытша өзгеруі сияқты жағдайларды ескереді.

WeRide автопилоты SAE International компаниясы жасаған шкала бойынша автономияның 4-деңгейіне жауап береді. 4-деңгей белгілі бір жағдайларда толық автоматтандыруды білдіреді. Бұл дегеніміз маршрут өздігінен жүретін көлік үшін алдынала дайындалады. Tesla  көліктерінен басқа көптеген автомобиль компаниялары осы технологияны қолданады. Ал, Tesla 2020 жылдың соңына дейін біржола 5-деңгейдің автономиясына көшуді жоспарлап отыр.