Google Assistant мессенджерлердегі хаттарды оқуды үйренді

Google Assistant мессенджерлердегі хаттарды оқуды үйренді
Фото: cnet.com

Google дауыс ассистентінің Telegram, WhatsApp және Slack мессенджерлеріндегі хаттарды оқи алатын қабілеті пайда болды. Бұл туралы AndroidPolice хабарлады.

Ол үшін желі қолданушы ассистентке мессенджердегі хаттарды оқуға рұқсат беруі керек.

Мұндай қызмет түрін іске қосу үшін ассистентке "менің хабарламамды оқы" деген тапсырма беру керек. Содан кейін мобильді қосымша соңғы хабарламаларды көрсетіп, Google ассистент хаттарды дауыстап оқи бастайды. Сонымен қатар, ассистент хаттың кімнен және қай әлеуметтік желі арқылы келгенін атайды. Осыған дейін Google ассистент тек SMS-хаттарды оқи алатын еді.

Бұл қызметті пайдалана отырып, сіз ассистент-бағдарлама ретінде үшінші тарапқа жеке хаттарыңызды оқуға рұқсат беретініңізді еске саламыз. Бағдарламаны орнатпастан бұрын қызметтің барлық шарттарымен танысыңыз.

Massaget