Қуатты 50 күн сақтайтын смартфон

Қуатты 50 күн сақтайтын смартфон

Energizer брендінің иесі саналатын Avenir Telecom компаниясы батарея қуаттылығы ең үлкен смартфон жасап шығарды. Energizer Power Max P18K Pop атты бұл смартфонның қуаттылығы – сағатына 18 000 мА. Өндірушілердің айтуынша, смартфон қуатты 50 күн сақтап жұмыс істей береді.

18 000 мА-лік қуаттылықты қазіргі нарық көрсеткіштерімен салыстыруға да келмейді. Мысалы жақында шыққан Samsung Galaxy S10 Plus смартонының қуаттылығы – 4100 мА.

Гаджеттің 6,2-дюймдік Full HD+ экраны 1080×2340 пиксель анықтыққа ие. Ішіне MediaTek Helio P70 процессоры орнатылған, жедел жады – 6 ГБ, негізгі жады – 128 ГБ.

Негізгі үш камера 12+5+2 мегапиксельде, фронтал камералар 16+2 мегапиксельде  түсіреді. Технологтар фронтал камераларды моно-қабақ емес, жылжымалы перископ қылып жасаған. 

Avenir Telecom құрылғының дайын прототибін Барселонадағы MWC 2019 көрмесінде таныстырмақ. Ал смартфонның өзі сатылымға тек маусымда шықпақ.


ОҚИ ОТЫРЫҢЫЗ

Соңғы жаңалықтар