iPhone смартфонындағы 9:41 санының құпиясы

iPhone смартфонындағы 9:41 санының құпиясы

iPhone смартфонының жарнамасы кезіндегі басты бетінде орнатылған суретте әрқашан бір уақыттың қайталанатынын байқап пе едіңіз? Сағат әр уақыт 9:41-ді көрсетеді. Кейін iPad пайда болғаннан кейін оның суретінде де бір сандар көрсетуін тоқтатпады. Бұл жолы планшеттегі уақыт 9:42.

Бұл қызықты жайтты назарынан тыс қалдырмаған, оны өздігінен зерттеген адамдардың бірі, «Secret Lab» компаниясының қызметкері – Джон Маннинг.

Джон белгілі бір формулаларды құрастырып, сол бойынша бұл жұмбақтың шешімін табуға тырысқанымен бәрібір барлық ісі нәтижесіз аяқталды. Джон кездейсоқ Palo Alto-да орналасқан Apple дүкеніне кіріп, компанияның вице-президенті Скот Форсталлды кездестіреді. Джон осылайша көкейіндегі сауалдың жауабын табады.

«Мен Скотты көріп, амандасу үшін жанына бармақ болдым. Бірақ, сол күні iPad өнімдерінің басты бетіндегі суреттердегі сандар өзгеріпті. Бұрынғыдай 9:42 емес, енді 9:41-ді көрсетіп тұр.

Істі созбай, вице-президенттің қасына келіп амандастым да, сұрағымды қойдым. Ол болса бетіме қарап бір күліп алды да:

– Сен шынымен не себептен сол уақытты алғанымызды білгің келе ме? – деп сұрады. Мен бойымдағы қызығушылығымды жасыра алмай басымды изей бердім.

– Біз жаңа құрылғы туралы есеп беру барысында, құрылғыны таныстыру сәтін көрілімнің 40 минутына арнайы дайындаймыз. 40-минутта үлкен тақтада құрылғының басты суреті пайда болуы тиіс. Бірақ, дәл 40 минутта көрсету мүмкін болмағандықтан біз бір-екі минутты қосамыз. Осылайша 9:41 деген сан қалыптасып қалды»,– деп Джон құпиясымен бөлісті.

2007 жылы 9 қаңтарда Macworld Conference & Expo сахнасында Стив Джобс жаңа құрылғының тұсаукесерін жасаған болатын. Сағат тоғыздан бастап 35 минут бойына есеп берген Стив Джобс «Бұл уақытты ұзақ күттім...»,– деп тура тоғыздан 41 минут кеткенде iPhone-ды халыққа ұсынды. Яғни, Apple жарнамаларындағы уақыт iPhone-ның шығарылым уақытымен сәйкес келеді.

ыва

Сонымен қатар, жарнамадағы суреттерде сағатпен бірге әрқашан кез-келген айдың 9-жұлдызымен бірге, сейсенбіні көрсететінін аңғарған боларсыз.

Оның құпиясы мынада: iPhone 2007 жылы 9 қаңтарында сағат 9:41-де, сейсенбі күні халыққа ұсынылды.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Ілеспе аудармашы деген кім?
Ілеспе аудармашы деген кім?
БҰҰ-ның 75 жылдығына арналған галстук
БҰҰ-ның 75 жылдығына арналған галстук
Марста тұзды көлдер табылды
Марста тұзды көлдер табылды
Қазақстанда Нобель сыйлығының лауреаттары қатысатын онлайн фестиваль өтеді
Қазақстанда Нобель сыйлығының лауреаттары қатысатын онлайн фестиваль өтеді
Аманжол Әбиев: Жас жазушылар – интроверт
Аманжол Әбиев: Жас жазушылар – интроверт
Не себепті туларда күлгін түс жоқ?
Не себепті туларда күлгін түс жоқ?