| Оңтүстік Американың UOL Esporte басылымы ұйымдастырған сауалнамада бразилиялық футболшылар әлемнің үздік ойыншысы деп Мессиді таңдапты. |
Дауыс беруге тек Бразилия біріншілігінде ойнайтын футбошылар қатысқан. Сауалнаманың қорытындысы бойынша, дауыс беруге қатысқан 100 футболшының 90 пайызы аргентиналық шабуылшыны үздік санаған екен.
Екінші орында португалиялық шабуылшы Криштиану Роналду. Оған 7 пайыз ғана дауыс жиналған. Үшінші орын 1 пайыз көрсеткішпен Хави, Андрес Иньеста және Неймарға бұйырған.
Сондай-ақ UOL Esporte басылымы үздік жас ойыншыны да таңдаған. Ол бразилиялық жас талант – Неймар.
Басылымның мәліметіне сүйенсек, дауыс беруге Бразилия біріншілігінде өнер көрсететін 15 команданың ойыншылары қатысқан екен.
Айта кетейік, ертеректе Месси World Soccer нұсқасы бойынша да әлемнің үздік ойыншысы атанған болатын.
Дайындаған: Уалихан Қосанбай
Сурет: soccer.ru