ӘЧ-2021. Абылайхан Жүсіпов ширек финалда бақ сынайды

ӘЧ-2021. Абылайхан Жүсіпов ширек финалда бақ сынайды

Белградқа бокстан ұлттық құрама капитаны болып барған Абылайхан Жүсіпов әлем чемпионатындағы үшінші жекпе-жегін жеңіспен аяқтады. Отандасымыз 1/8 финалда поляк Дамиан Дуркачқа мықтылығын мойындатты.

Абылайхан жекпе-жекті толық бақылауда ұстап, шабуылда ширақ, қорғаныста мығым жұдырықтасты. Төрешілер 5:0 есебімен қазақстандық боксшыны жеңімпаз деп таныды.

Бокстан әлем чемпионаты 6 қарашаға дейін созылады. Жарыстың жүлде қоры 2,6 миллион долларды құрайды. Жарыс жеңімпаздары 100 мың АҚШ долларына ие болады. Күміс жүлдегерлер – 50 мың, қола жүлдегерлер 25 мың доллар алады.